ەل پرەزيدەنتى – قر قارۋلى كۇشتەرىنىڭ جوعارعى باس قولباسشىسى قاسىم جومارت توقاەۆ قورعانىس ۆەدومستۆوسىنا جۇكتەگەن مىندەتتەرىندە جاۋىنگەرلىك تاجىريبەنى ۇدايى ارتتىرۋ قاجەتتىلىگى دامىتۋدىڭ باسىم باعىتتارىنىڭ ءبىرى بولىپ سانالادى.
ەل پرەزيدەنتى – قر قارۋلى كۇشتەرىنىڭ جوعارعى باس قولباسشىسى قاسىم جومارت توقاەۆ قورعانىس ۆەدومستۆوسىنا جۇكتەگەن مىندەتتەرىندە جاۋىنگەرلىك تاجىريبەنى ۇدايى ارتتىرۋ قاجەتتىلىگى دامىتۋدىڭ باسىم باعىتتارىنىڭ ءبىرى بولىپ سانالادى.
اسكەرلەردىڭ جاۋىنگەرلىك ازىرلىگىن قاۋىرت تەكسەرۋلەر ايقىن كورسەتە الادى. اسكەري بولىمدەردى جوعارى جاۋىنگەرلىك دايارلىقتىڭ دەڭگەيىنە كەلتىرۋ قابىلەتىن كورسەتۋ جاۋىنگەرلىك وقۋ-جاتتىعۋ مىندەتتى ورىنداۋ كەزىندە شتابتار مەن بولىمشەلەردىڭ ۇيلەسىمدىلىگىنەن كورىنەدى. اسكەر سىرتقى قاۋىپتەردى تويتارۋعا عانا ەمەس, سونىمەن بىرگە جاڭا تۇردەگى سوعىستاردى جۇرگىزۋگە دە دايىن بولۋى كەرەك.
دابىل بويىنشا كوتەرىلگەن قۇرلىق اسكەرلەرىنىڭ بارلاۋ جانە بايلانىس بولىمدەرى قالعان اسكەرلەردىڭ بولىمشەلەرىنە قاتىستى جوعارى ازىرلىكتە بولۋعا ءتيىس.
– قورعانىس ءمينيسترىنىڭ اسكەري قىزمەتشىلەردى پوليگونداردا ءىس-قيمىل جاساۋعا ۇيرەتۋ تالابىن ورىنداي وتىرىپ, بولىمشەلەر اسكەري-كولىك اۆياتسياسىن قوسا العاندا, ءارتۇرلى تاسىلدەرمەن جاۋىنگەرلىك وقۋ-جاتتىعۋ مىندەتتەرىن ورىنداۋ اۋداندارىنا جىبەرىلدى.
ء «بىر بارلاۋ پولكىن تەكسەرۋ العاش رەت قازاقستان رەسپۋبليكاسىنىڭ ءارتۇرلى گەوگرافيالىق جانە كليماتتىق ايماقتارىنداعى بەس پوليگوندا ۇيىمداستىرىلدى», - دەپ قر قك باس شتابىنىڭ باستىعى گەنەرال-لەيتەنانت مۇرات بەكتانوۆ اتاپ ءوتتى.
جاۋىنگەرلىك وقۋ-جاتتىعۋ تاپسىرمالارىمەن ءوزارا بايلانىستى «وڭتۇستىك» وڭىرلىك قولباسشىلىعىنىڭ بارلاۋ بولىمشەلەرى, تانك جانە ارتيللەريالىق بولىمشەلەرى دابىلمەن كوتەرىلگەن سوڭ, «ماتىبۇلاق» پوليگونىنا مارش جاساپ, بەلگىلەنگەن اۋدانداردى قورعانىسىنا الدى. قازىرگى قاقتىعىستاردىڭ تاجىريبەسىن ەسكەرە وتىرىپ, اسكەرلەردىڭ ومىرشەڭدىگىن ارتتىرۋ بويىنشا ءىس-شارالار ۇيىمداستىرىلدى. اسكەرلەر مەن باسقارۋ پۋنكتتەرىن بۇركەمەلەۋ جۇرگىزىلدى, جالعان تىرەك پۋنكتتەرى مەن پوزيتسيالار ماكەتتەر مەن باسقا دا قولدا بار قۇرالداردى پايدالانا وتىرىپ جابدىقتالدى.
«ماتىبۇلاق» پوليگونىندا ۇشقىشسىز ۇشۋ اپپاراتتارىنىڭ ەسەپتوبى اۋە بارلاۋىن جۇرگىزدى. ول جاسىرىنعان نىسانداردىڭ 80 پايىزدان استامىنىڭ دەرەكتەرىن انىقتاپ, ناقتى جانە جالعان پوزيتسيالاردى انىقتادى. سونداي-اق ارتيللەريانىڭ اتىسىن رەتتەۋگە بايلانىستى تاپسىرمالاردى ورىندادى.
اۆيابازانىڭ ۇشۋ قۇرامى بارلاۋ پولكىنىڭ كوزدەۋشىلەرى نىسانا كورسەتكىشتەرىن جەردەن ءىس جۇزىندە باعىتتاي وتىرىپ, «قىزىلاعاش» اۋە پوليگونىندا جاۋىنگەرلىك ۇشۋلاردى جاسادى.
«سپاسسك», «سارىوزەك» جانە «جەتىسۋ» وقۋ پوليگوندارىندا بارلاۋشىلار نىساندارعا بارلاۋ جۇرگىزدى. اسكەري توپوگرافيا, رادياتسيالىق, حيميالىق جانە بيولوگيالىق قورعاۋ, بايلانىس, نۇقسان كەلتىرۋ ءىسى, دەنە شىنىقتىرۋ جانە اسكەري-مەديتسينالىق دايىندىق بويىنشا نورماتيۆتەردى تاپسىردى. اۆياتسيالىق پوليگوندا ولار ءىس جۇزىندە مايداندىق اۆياتسيانى نىساناعا الىپ, تۇنگى شابۋىلعا شىقتى جانە شارتتى جاۋدىڭ نىساندارىنا شابۋىل جاسادى. بارلىق پوليگونداردا شتاتتىق قارۋدان باقىلاۋ اتىس جاتتىعۋلارىن ورىندادى.
بەلگىلەنگەن اۋدانداردا بايلانىسشىلار قىسقا مەرزىمدە بايلانىس توراپتارىن ورنالاستىردى, بۇل ءارتۇرلى باعىتتاردا جۇمىس ىستەيتىن اسكەرلەردى باسقارۋدى قامتاماسىز ەتتى. بۇل وتكىزىلگەن راديو جانە پىسىقتالعان نورماتيۆتەردىڭ ناتيجەلەرىمەن راستالدى.
پولكتىڭ شتابى تۇراقتى ورنالاسۋ پۋنكتىنەن ۇلكەن قاشىقتىقتا جاۋىنگەرلىك وقۋ-جاتتىعۋ تاپسىرمالارىن ورىندايتىن بولىمشەلەردى جوسپارلاۋ مەن باسقارۋدى ورىندادى.
تەكسەرۋ قورىتىندىسى بويىنشا لاۋازىمدى تۇلعالارعا جاۋىنگەرلىك جانە جۇمىلدىرۋ ازىرلىگى, اسكەرلەردىڭ بيىلعى جىلى وتەتىن ءىرى اۋقىمدى وقۋ-جاتتىعۋلارعا ساپالى دايىندىعى ماسەلەلەرىن جەتىلدىرۋ بويىنشا ناقتى مىندەتتەر قويىلدى.
