وسىعان وراي ونلاين-فورماتتا ۇيىمداستىرىلعان شاراعا ەنەرگەتيكا ءمينيسترى نۇرلان نوعاەۆ, سكولكوۆو ماسكەۋ باسقارۋ مەكتەبى ەنەرگەتيكا ورتالىعىنىڭ اتقارۋشى ديرەكتورى يرينا گايدا, س.وتەباەۆ اتىنداعى اتىراۋ مۇناي جانە گاز ۋنيۆەرسيتەتى ديرەكتورلار كەڭەسىنىڭ توراعاسى ۇزاقباي قارابالين مەن اتالعان ءبىلىم ورداسىنىڭ يندۋستريالدىق كوميتەت مۇشەلەرى, مۆا باعدارلاماسىنىڭ تىڭداۋشىلارى قاتىستى.
«بۇل باعدارلاما تەك ءوڭىردىڭ عانا ەمەس, ەلىمىزدىڭ يندۋسترياسىنا ۇلتتىق كادرلاردى دايارلاۋعا ىقپال ەتەدى, – دەيدى س.وتەباەۆ اتىنداعى اتىراۋ مۇناي جانە گاز ۋنيۆەرسيتەتىنىڭ رەكتورى گۇلزادا شاكۋليكوۆا. – ويتكەنى كوشباسشى ماماندى تەك ۇزدىكسىز كاسىبي جانە جەكە دامۋ عانا ەرەكشەلەندىرەدى».
ونىڭ ايتۋىنشا, Deo-design executive officer تۇسىنىگى قولدانىسقا ەندى. بۇل – پروبلەمالاردى شەشەتىن ستراتەگيالىق كوشباسشى مەن شىعارماشىلىق تۇلعانىڭ قوسىندىسى. مۇنداي كوشباسشىلار ەشقانداي كەدەرگىلەرگە قاراماستان جەتىستىككە جەتۋگە مۇمكىندىك بەرەتىن سيپاتتامالارعا, مىنەز-ق ۇلىققا جانە مەنتاليتەتكە يە. سول سەبەپتەن س.وتەباەۆ اتىنداعى اتىراۋ مۇناي جانە گاز ۋنيۆەرسيتەتىندەگى مۆا باعدارلاماسى مانسابىن ودان ءارى دامىتۋدى, سونداي-اق قوعامنىڭ دامۋىنا ۇلەسىن قوسۋدى كوزدەيتىن كوشباسشىلارعا ارنالىپ وتىر.
«كەز كەلگەن مەملەكەتتىڭ دامۋىنىڭ نەگىزى – ءبىلىم مەن عىلىمدى جەتىلدىرۋ. بۇعان وقۋ ورنىنداعى مۆا باعدارلاماسىنىڭ قوساتىن ۇلەسى زور. مۇندا ءدارىس بەرەتىن قازاقستاندىق جانە شەتەلدىك ءىرى كومپانيالاردىڭ تاجىريبەلى وقىتۋشىلارى مەن تانىمال ساراپشىلارى مودۋلدىك نىسانداعى جۇمىستان قول ۇزبەي وقىتۋدى, شەتەلدىك تاعىلىمدامانى, كوممۋنيكاتسيالىق مۇمكىندىكتى كەڭەيتۋدى كوزدەيدى» دەيدى گۇلزادا شاكۋليكوۆا.
