جىلىتۋ ماۋسىمى باستالىسىمەن تۇرمىستا گاز جابدىعىن پايدالانۋ كەزىندە جازاتايىم وقيعالار تىركەلدى. ەگەر جازاتايىم وقيعالاردى, ورتتەردىڭ, جارىلىستاردىڭ, ادامداردىڭ ۋلى گازبەن ۋلانۋىنىڭ 90%-ى تەرگەپ-تەكسەرۋدەن كەيىنگى كوميسسيانىڭ قورىتىندىسىنا قاراساق, زارداپ شەككەندەردىڭ وزدەرىنىڭ جىلىتۋ اسپاپتارىن پايدالانۋعا نەمقۇرايلى قاراۋى سالدارىنان ورىن الادى: تۇتىندىكتى نەمەسە تۇتىندىكتى دۇرىس ورناتپاۋ ء(تۇتىننىڭ تارتىلماۋى), قوقىستانۋ, جىلىلاماۋ, گاز جابدىعىنىڭ گەرمەتيكالىق ەمەس جالعانۋى, ەلەكتروماگنيتتى كلاپانمەن گازدىلىق سيگناليزاتورىسىز قازاندىق نەمەسە گاز پليتاسى, گاز جابدىعىنا تەحنيكالىق قىزمەت كورسەتۋدىڭ بولماۋى, كوپ قاباتتى تۇرعىن ۇيلەردە گاز جىلىتۋ اسپاپتارىن (قازانداردى) ورناتۋ, جىلىتۋ ءۇشىن گاز پليتاسىن پايدالانۋ, ۆاننا بولمەسىندە قازاندىق ورناتۋ. بۇدان باسقا, ءوز قاۋىپسىزدىگىن (تۇتىنۋشىنى) قامتاماسىز ەتۋ ءۇشىن ورناتىلعان گاز بەرۋدى اۆتوماتتى ءوشىرۋ كلاپانى بار گازدانۋ داتچيكتەرىن زارداپ شەككەندەر ءوز ەركىمەن سوندىرگەن, سالدارىنان قايعىلى وقيعالار ورىن العان. جازاتايىم وقيعالاردىڭ 10% - ى گاز جابدىعىن دۇرىس پايدالانباۋدان بولادى.
2012 جىلعى 9 قاڭتارداعى №532-IV «گاز جانە گازبەن جابدىقتاۋ تۋرالى» قر زاڭىنىڭ 7 تاراۋدىڭ 30 بابى 2 تارماعى بويىنشا «گازبەن جابدىقتاۋ جۇيەلەرى نىساندارىنىڭ يەلەرى ولاردىڭ قاۋىپسىز پايدالانىلۋىن جانە جارامدى جاي-كۇيىن قامتاماسىز ەتۋگە, تەحنيكالىق قىزمەت كورسەتۋ جۇمىستارىن جۇرگىزۋگە نەمەسە وزدەرىنە تيەسىلى وبەكتىلەرگە تەحنيكالىق قىزمەت كورسەتۋگە شارت جاساسۋعا مىندەتتى».
وسىعان بايلانىستى, قالا تۇرعىندارى گاز جابدىعىنا تەحنيكالىق قىزمەت كورسەتۋگە ليتسەنزياسى بار مامانداندىرىلعان ۇيىمدارمەن شارت جاساسۋى قاجەت. گازبەن جابدىقتاۋ جانە ونەركاسىپتىك قاۋىپسىزدىك سالاسىنداعى نورماتيۆتىك تەحنيكالىق قۇجاتتاردىڭ تالاپتارىنا سايكەس كەلمەيتىن گاز جابدىقتارىن اۋىستىرۋ كەرەك.
«سىزدەردەن قولدانىپ جاتقان گاز بەن ۋلى گازدىڭ قاۋىپتى كونتسەنتراتسياسى جوعارىلاعان كەزدە گاز بەرۋدى اۆتوماتتى تۇردە توقتاتۋمەن جابدىقتالعان قازاندار مەن گاز پليتالارىنىڭ جاڭا تۇرىنە كوشۋدى نەمەسە گاز قۇرىلعىلارىڭىزدى ەلەكتروماگنيتتى كلاپانمەن گازدانۋ سيگناليزاتورىمەن جابدىقتاۋدى سۇرايمىز», - دەدى ج. الىشەۆ.
جازاتايىم وقيعالاردىڭ كوپ بولۋىنا بايلانىستى «قازترانسايماق» اق قر قن 4.03-01-2011 «گاز تاراتۋ جۇيەلەرى» جانە قر قنجە 3.02-43-2007 «تۇرعىن عيماراتتارى» قۇرىلىس نورمالارىن وزگەرتۋ بويىنشا جۇمىس اتقاردى. قۋاتى 60 كۆت دەيىنگى گاز پايدالانۋ جابدىعى (ونىڭ ىشىندە گاز پليتالارى) ورناتىلاتىن ورتالىقتاندىرىلعان گازبەن جابدىقتاۋ تۇرعىن ءۇي عيماراتتارىنىڭ ءۇي-جايلارى پايدالانىلاتىن گاز جانە ۋلى گاز (كومىرتەگى وكسيدى) شوعىرلانۋىنىڭ رۇقسات ەتىلگەن دەڭگەيىنەن اسقان كەزدە گاز بەرۋدى اۆتوماتتى تۇردە وشىرە وتىرىپ, گازدانۋدى باقىلاۋ جۇيەلەرىمەن (تازدانۋ داتچيگى جانە ەلەكتروماگنيتتى كلاپان) جاراقتالادى». قر 3.02-43-2007 «تۇرعىن عيماراتتارى» قنجە 11.5.2 ت. سايكەس, «ورتالىقتاندىرىلعان گازبەن جابدىقتالاتىن تۇرعىن ءۇي عيماراتتارىندا قاباتتىلىعىنا جانە كونسترۋكتسيالىق سيپاتتامالارىنا قاراماستان: - پايدالانىلاتىن گازدىڭ جانە ۋلى گازدىڭ (كومىرتەگى وكسيدى) قاۋىپتى كونتسەنتراتسياسى اسقان جاعدايدا گاز بەرۋدى اۆتوماتتى تۇردە توقتاتۋ قۇرىلعىلارىنسىز گاز جابدىعىن ورناتۋعا» جول بەرىلمەيدى.
