الماتىداعى زەردەلى مەن نۇركەنت ىقشاماۋداندارىنىڭ ماسەلەسى شەشىلە مە؟

ايماقتار • 29 قاڭتار، 2021

الماتىداعى زەردەلى مەن نۇركەنت ىقشاماۋداندارىنىڭ ماسەلەسى شەشىلە مە؟

111 رەت كورسەتىلدى

الماتى قالاسىنىڭ اكىمى ب. ساعىنتاەۆ ءوزىنىڭ Instagram-داعى پاراقشاسىندا زەردەلى ىقشاماۋدانىنىڭ تۇرعىندارىن تولعاندىرعان ماسەلە نازاردان تىس قالماعاندىعى تۋرالى جازدى، دەپ حابارلايدى Egemen.kz.

ايناش ەسالى

«قازقسعزي ماماندارىنىڭ قورىتىندىسى بويىنشا 2020 جىلى 7 ءۇيدىڭ ىرگەتاسى نىعايتىلدى. بيىل 10 ءۇيدى نىعايتۋ جوسپارلانۋدا. بارلىق جۇمىستى ونىڭ تەحنولوگياسى، قۇرىلىس نورماسى مەن تالاپتارىن ساقتاي وتىرىپ جۇرگىزۋدى تاپسىردىم. بۇدان كەيىن 13 اۋلانىڭ قاسبەتى رەتكە كەلتىرىلىپ، بالالارعا ارنالعان ويىن مەن سپورت الاڭدارى، ورىندىقتار مەن جارىق جۇيەسى ورناتىلادى»، دەپ حابارلادى ب. ساعىنتاەۆ جانە نۇركەنت ىقشاماۋدانىنلاعى 18 ءۇيدىڭ قاسبەتىنىڭ جاڭارعاندىعىن، 5 اۋلانى جوندەۋ جوسپاردا تۇرعانىن دا ايتتى.

قالا اكىمىنىڭ ايتۋىنشا، تۇرعىنداردىڭ وتىنىشىمەن اۋلا مەن ءۇي ماڭىنداعى ايماقتى رەتكە كەلتىرۋ ماسەلەسى شەشىمىن تاباتىن بولادى. زەردەلىدە تۇرعىن ۇيلەرگە جاناسىپ جاتقان 8 جەر تەلىمى الىنادى.

«سونداي-اق نۇركەنت ىقشاماۋدانىندا 43 پەن 72 ءۇيدىڭ اراسىنداعى جەر تەلىمىنە بيىك ءۇي تۇرعىزباق بولعان مەنشىك يەسىنەن بۇل جەر تاركىلەندى. اتالعان جەردە بالاباقشا بوي كوتەرەدى»، - دەپ اتاپ ءوتتى ب. ساعىنتاەۆ.

اكىم جۇمىس ساپارى كەزىندە الاتاۋ اۋدانىندا «نۇرلى جەر» باعدارلاماسى اياسىندا سالىنىپ جاتقان «الاتاۋ سيتي» تۇرعىن ءۇي كەشەنىندە بولدى. سونداي-اق تۇركسىب اۋدانىنداعى قايرات ىقشاماۋدانىندا ورنالاسقان تك قۇرىلىس الاڭدارىن ارالادى. مۇندا 1،5 مىڭ وقۋشىعا ارنالعان مەكتەپ، 280 ورىندى بالاباقشا مەن 500 كەلۋشىگە ارنالعان ەمحانا قۇرىلىسى قاراستىرىلعان. كەشەندى قۇرىلىس جۇمىستارىنىڭ ارقاسىندا تۇرعىندار قاجەتتى الەۋمەتتىك نىساندارمەن قامتاماسىز ەتىلەدى.