«وتانداستار قورى» كەاق شەتەلدەگى وتانداستاردى قولداۋ دەپارتامەنتىنىڭ مەنەدجەرى الجان شاريپوۆ پەن ء«تىل-قازىنا» ۇلتتىق عىلىمي زەرتتەۋ ورتىعى» كەاق مامانى ءاسيا دانيارقىزى مينسك قالاسىنىڭ مەكتەپ ديرەكتورلارىنا «ونلاين-سىنىپ» جوباسىن تانىستىردى. تانىستىرىلىمعا مينسك قالاسى زاۆودسكوي اۋدانى اكىمىنىڭ ورىنباسارى زەلەنكا ەلەنا , قازاقستان رەسپۋبليكاسى ەلشىلىگىنىڭ كەڭەسشى-ۋاكىلى امان قايرات جانە مينسك قالاسىنىڭ 32 مەكتەپ ديرەكتورى قاتىستى. بۇگىندە بەلارۋس رەسپۋبليكاسىندا 1 مىڭنان اسا قازاق تۇرادى (2019 جىلعى دەرەك بويىنشا). سونداي-اق, تاۋەلسىزدىك جىلدارى قازاقستاننان كوشىپ بارعان سلاۆيان ۇلتتارى بار. ولاردىڭ قازاق تىلىنە, ۇلتىنا, قازاقستانعا زور قۇرمەتپەن قارايتىنىن ايتۋعا بولادى.
«وتانداستار قورى «ونلاين-سىنىپ» جوباسى ارقىلى شەتەلدەردە تۇراتىن قازاقتارعا قازاق ءتىلىن ۇيرەتۋدى قولعا العان بولاتىن. 2020 جىلى جالپى 333 ونلاين ساباق وتكىزىلدى. 2021 جىلى قازاق ءتىلىن ۇيرەتۋ كۋرسى اقپان ايىنان باستالادى. قازاق ءتىلىن اعىلشىن, ورىس, تۇرىك جانە پارسى تىلدەرىندە ۇيرەتۋ جوسپارلانىپ وتىر», دەپ مالىمدەدى جوبالار كوورديناتورى بولات ديدار مىرزا.
ەستەرىڭىزگە سالا كەتەيىك, 2020 جىلعى 20 قاراشادا مينسك قالاسىنداعى م. اۋەزوۆ اتىنداعى №143 ورتا مەكتەبىندە ءال-فارابي اتىنداعى قازاق ءتىلىن, تاريحى مەن ادەبيەتىن وقىتۋ كابينەتى اشىلعان بولاتىن. جوبا قازاقستاننىڭ بەلارۋس رەسپۋبليكاسىنداعى ەلشىلىگى جانە «وتانداستار قورى» كەاق قولداۋىمەن جۇزەگە استى.
