ماسەلەن, شىنىنى, قاعازدى, پلاستيك پەن سۇرىپتالمايتىن قالدىقتاردى بولەك جيناۋعا ارنالعان ءبىر تەكشەلىك 4 ىدىس, قۇرىلىس قالدىعى ءۇشىن 8 تەكشەلىك 1 كونتەينەر ورناتىلدى. ءتىپتى ارام ءشوپ پەن بۇتاقتاردى سالاتىن تورلى كونتەينەر دە قاراستىرىلدى. قالدىقتاردى سۇرىپتاۋ قوقىستى ودان ءارى وڭدەۋ ءۇشىن بولۋگە جول اشادى.
– وندىرىستىك تسەحتاردىڭ اكىمشىلىك-تۇرمىستىق كورپۋستارىندا ءۇش سەكتسيالى 57 ەكو-ىدىس, ال جىل سوڭىنا دەيىن تاعى 39 داناسى كەڭسە ىشىندە ورناتىلادى. جاڭا ىدىستاردى پايدالانۋ ءتاسىلى وڭاي. ويتكەنى قالدىقتار تۇرىنە بايلانىستى ءار ءتۇستى كونتەينەرگە سالىنادى. ماسەلەن, قاعاز سالاتىن ىدىستىڭ ءتۇسى – كوك, پلاستيككە – سارى, شىنىعا – قىزىل, سۇرىپتالمايتىن قالدىقتارعا ارنالعان ىدىس سۇر تۇسكە بويالعان. ءار ىدىستا قالدىقتاردى سۇرىپتاۋ ەرەجەلەرى مەن شەكتەۋلەر تۋرالى تولىق اقپارات بار, – دەپ اقپارات تاراتتى كاسىپورىننىڭ قوعاممەن بايلانىس قىزمەتى.
قاتتى تۇرمىستىق قالدىقتاردى بولەك جيناۋدى, سونداي-اق زاۋىت اۋماعىنان شىعارۋدى مەردىگەر مەكەمە اتقارادى. سۇرىپتالماعان قالدىقتار «سپەتساۆتوبازا» جشس-نىڭ قوقىس پوليگونىنا, ال سۇرىپتالاتىن قوقىس ارناۋلى كاسىپورىندارعا وڭدەۋگە جىبەرىلەدى.
قوعاممەن بايلانىس قىزمەتىنىڭ مالىمەتىنشە, ء«اموز» جشس اتالعان ەكولوگيالىق جوبانى ەنگىزىپ, مۇنايلى ولكەدەگى قورشاعان ورتانىڭ قاۋىپسىزدىگىن قامتاماسىز ەتۋگە ۇلەسىن قوسىپ وتىر. زاۋىتتا «جاسىل كەڭسەدەن» باسقا ەكولوگيالىق كودەكستىڭ تالابىنا سايكەس بىرقاتار ءىس-شارانى جۇزەگە اسىرۋ قولعا الىنىپ وتىر. ونىڭ ىشىندە Tazalyq جوباسى دا بار. بۇل جوبانىڭ اياسىندا مەحانيكالىق جانە بيولوگيالىق تازارتۋ قۇرىلىستارىن قايتا جاڭارتۋ, بۋلانۋ الاڭدارىن رەكۋلتيۆاتسيالاۋ جۇرگىزىلەدى.
اتىراۋ وبلىسى
