ونەر • 28 قاڭتار، 2021

كانن فەستيۆالى جازعا شەگەرىلدى

7 رەت كورسەتىلدى

كانن فەستيۆالى بيىلعى جازدا وتكىزىلەدى. ۇيىمداستىرۋشىلاردىڭ حابارلاۋىنشا، ءىس-شارا شىلدەنىڭ 6-17 ارالىعىندا وتەدى، دەپ حابارلايدى Egemen.kz

اۋەلدە فەستيۆال، جىلداعىداي 11-22 مامىر ارالىعىندا ۇيىمداستىرىلادى دەپ جوسپارلانعان بولاتىن. 

«وتكەن جىلدىڭ كۇزىندە كانن فەستيۆالىن وتكىزۋ مەرزىمى الەمدەگى سانيتارلىق جاعدايعا بايلانىستى وزگەرۋى مۇمكىن ەكەندىگىن حابارلاعانبىز. وسىلايشا، كانن ونكۇندىگى الدىن الا جوسپارلاعانداعىداي 11-22 مامىر ارالىعىندا ەمەس، 2021 جىلدىڭ 6-17 شىلدەسىندە وتەدى»، دەلىنگەن مالىمدەمەدە. 

2020 جىلى ايگىلى فەستيۆالدى وتكىزۋ ۋاقىتى پاندەمياعا بايلانىستى وزگەرتىلدى. الايدا، كورەرمەندەر نازارىنا ۇسىنىلۋى ءتيىس كورسەتىلىمدەردىڭ ءبىر بولىگى وزگە فەستيۆالدەر مەن كينوتەاترلارداعى تاقىرىپتىق قويىلىمدار بارىسىندا كورسەتىلدى. 2020 جىلى ءىس-شارا ۆيرۋسقا قارسى قاتاڭ شارالاردى ۇستانا وتىرىپ، بەرلين مەن ۆەنەتسيادا ۇيىمداستىرىلدى. بيىل فەستيۆالدى بەرليندە ۇيىمداستىرۋشىلار ءىس-شارانى وتكىزۋ مەرزىمى وزگەرگەنىن ايتتى. 

سونداي-اق كونكۋرستىق كورسەتىلىمدەردىڭ ونلاين وتەتىنى، ال كورەرمەندەر قاتىساتىن شارالاردىڭ مامىر ايىندا وتەتىنى ءمالىم بولدى. ايتا كەتەيىك، وتكەن جىلى پاندەميانىڭ شارىقتاۋ شەگىنە جەتكەن كەزىندە كانن فەستيۆالىن ۇيىمداستىرۋشىلار ونى كورەرمەندەرمەن بىرگە، ءتىپتى ونلاين وتكىزۋدەن دە باس تارتقان بولاتىن.

سوڭعى جاڭالىقتار

ۇقساس جاڭالىقتار