ەكونوميكا • 28 قاڭتار، 2021

«استانا بانكى» سالىمشىلارى «ەۋرازيالىق بانك» تولەيتىن وتەماقىلارىن قالاي الادى؟

4 رەت كورسەتىلدى

«استانا بانكى»-ءنىڭ سالىمشىلارىنا اگەنت بانك رەتىندە كەپىلدىك بەرىلگەن وتەم تولەيتىن «ەۋرازيالىق بانك»-پەن اراداعى كەلىسىمنىڭ قولدانىلۋ مەرزىمى تاعى جارتى جىلعا – 2021 جىلدىڭ 29 شىلدەسىنە دەيىن ۇزارتىلدى، دەپ حابارلايدى ەgemen.kz

قازىرگى ۋاقىتتا اگەنت بانك «استانا بانكى» سالىمشىلارىنا قازاقستاننىڭ دەپوزيتتەرگە كەپىلدىك بەرۋ قورىنىڭ (بۇدان ءارى ­– قور) اتىنان جانە ەسەبىنەن 37،2 ملرد تەڭگە كولەمىندە وتەم تولەدى. بۇل تولەنۋگە مىندەتتەلگەن جالپى سومانىڭ 99 پايىزىن قۇرايدى. بۇل رەتتە وتەم الۋعا بارلىعى 60 953 سالىمشى (نەمەسە بانك سالىمشىلارىنىڭ جالپى سانىنىڭ 23 پايىزى) ءوتىنىش بەرگەن. وتەم الماعان 207 504 سالىمشى الدىنداعى مىندەتتەمەلەر قالدىعى – 423 ميلليوننان استام تەڭگەنى قۇرايدى. ولاردىڭ ىشىندە تەك 331 سالىمشىنىڭ دەپوزيتتەرىندە عانا 100 مىڭ تەڭگەدەن اساتىن قالدىق اقشا بار. بۇل سالىمشىلاردىڭ الاتىن وتەم اقشالارىنىڭ جالپى كولەمى ­– 156،7 ملن تەڭگە.

ەسكە سالا كەتەيىك، «استانا بانكى» شوتتارى، تولەم كارتوچكالارى جانە دەپوزيتتەرى بار سالىمشىلار (جەكە تۇلعالار مەن جەكە كاسىپكەرلەر) وتەم الۋعا قۇقىلى. تەڭگەلىك دەپوزيتتەر بويىنشا (سالىمدار، اعىمداعى شوتتار جانە تولەم كارتوچكالارىن قوسقاندا) ەڭ جوعارى تولەم سوماسى ­– 10 ميلليون تەڭگە; شەتەل ۆاليۋتاسىنداعى دەپوزيتتەر بويىنشا – 5 ميلليون تەڭگە. ءبىر سالىمشىنىڭ «استانا بانكى» تەڭگەدە جانە شەتەل ۆاليۋتاسىندا ورنالاسقان دەپوزيتتەرى بويىنشا تولەنەتىن جيىنتىق شەكتى سوما – 15 ميلليون تەڭگە. بۇل جەردە ءاربىر دەپوزيت ءتۇرى بويىنشا شەكتى سوما ەسكەرىلەدى.

بارلىق تولەمدەر تەك تەڭگەمەن جۇزەگە اسىرىلادى. شەتەل ۆاليۋتاسىنداعى سالىمدار بويىنشا وتەم سوماسى بانكتى ماجبۇرلەپ تاراتۋ تۋرالى سوت شەشىمى زاڭدى كۇشىنە ەنگەن كۇنى – 2019 جىلدىڭ 9 قاڭتارىنا قاراي قالىپتاسقان ۆاليۋتا ايىرباستاۋدىڭ نارىقتىق باعامى بويىنشا ەسەپتەلەدى.

اگەنت بانكتىڭ بارلىق قالالارداعى فيليالدارى مەن بولىمشەلەرىنىڭ مەكەنجايلارى جانە جۇمىس ءتارتىبى تۋرالى اقپارات www.eubank.kz رەسمي سايتىندا جانە بانكتىڭ انىقتاما قىزمەتىندە قولجەتىمدى: +7 (727) 332 77 22.

         اگەنت بانك ارقىلى بەلگىلەنگەن تولەم مەرزىمى اياقتالعان سوڭ، «استانا بانكى»  سالىمشىلارى كەپىلدى وتەمدى الۋ ءۇشىن تىكەلەي قورعا ءوتىنىش بەرە الادى.

         تولەم سوماسىن ەسەپتەۋگە بايلانىستى سۇراقتار تۋىنداعان جاعدايدا، سالىمشىلار «استانا بانكى» تاراتۋ كوميسسياسىنا مىنا مەكەنجايلار بويىنشا جۇگىنۋلەرى قاجەت:

الماتى ق.، تولەباەۆ كوشەسى، 38/61، «جەتىسۋ» بو، 3 قابات (ماقاتاەۆ كوش. بۇرىشى)، تەلەفون: +7 (727) 259 60 60;

نۇر-سۇلتان ق.، عابدۋللين كوشەسى، 18، ۆپ-3، «ە» بلوگى، تەلەفون: +7 (717) 255 93 17;

اتىراۋ ق.، ساتباەۆ كوشەسى، 19، «اتىراۋ Plaza» بو، تەلەفون: 8 (712) 255 80-21، 8 (729) 270-10-25;  

شىمكەنت ق.، ب. مومىش ۇلى، 25، تەلەفون: 8 (725) 299-71-80;

قاراعاندى ق.، بۇحار جىراۋ داڭعىلى، 51/4، تەلەفون: 8 (721) 255-99-01;

وسكەمەن ق.، قابانباي باتىر كوشەسى، 140، تەلەفون: 8 (723) 256-09-96.

سوڭعى جاڭالىقتار

ۇقساس جاڭالىقتار