پارلامەنت • 28 قاڭتار، 2021

سەناتورلار نوتاريۋستىڭ قىزمەتىن «تسيفرلاندىرۋ» تۋرالى زاڭ قابىلدادى

5 رەت كورسەتىلدى

نوتاريۋس كۋالاندىرعان قۇجاتتار ەندى ەلەكتروندىق مۇراعاتتا ساقتالادى، ال نوتاريۋستاردىڭ وزدەرى ولاردىڭ "ەلەكتروندىق" جانە "قاعاز" نۇسقالارىنىڭ بىردەيلىگىن كۋالاندىرا الادى. بۇگىن سەناتورلار نوتاريات قىزمەتتەرىنىڭ ساپاسىن ارتتىرۋعا جانە ولاردى الۋدىڭ ىڭعايلى بولۋىنا باعىتتالعان وسى جانە باسقا دا بىرقاتار جاڭا وزگەرىستەردى قابىلدادى. بۇل جاڭالىقتار پارلامەنت دەپۋتاتتارىنىڭ باستاماسىمەن ازىرلەنگەن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە نوتاريات ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدا جازىلعان. قۇجات سەنات توراعاسى ماۋلەن اشىمباەۆتىڭ توراعالىق ەتۋىمەن وتكەن سەنات وتىرىسىندا ماقۇلداندى.

«قابىلدانعان زاڭ ەلىمىزدە نوتاريات ينستيتۋتىن ودان ءارى جەتىلدىرۋدى كوزدەيدى. قازىرگى تاڭدا قازاقستاندا بۇل سالادا جۇمىس ىستەيتىن تورت مىڭنان استام نوتاريۋس بار. وسى زاڭ حالىققا نوتارياتتىق قىزمەت كورسەتۋ كەزىندە تسيفرلىق تەحنولوگيالاردىڭ قولدانۋ اياسىن كەڭەيتۋگە مۇمكىندىك بەرەدى. سونداي-اق، نوتارياتتىق قىزمەتكە قويىلاتىن تالاپتاردى كۇشەيتۋگە قۇقىقتىق نەگىزدەر قالىپتاستىرادى»،  دەپ اتاپ ءوتتى سەنات توراعاسى.

ماۋلەن اشىمباەۆ سونىمەن قاتار نوتاريات قىزمەتى كەزىندە ادامدار مەن بيزنەستىڭ قۇقىقتارى مەن زاڭدى مۇددەلەرىن قورعاۋ دەڭگەيىن ودان ءارى ارتتىرۋ زاڭنىڭ نەگىزگى ماقساتى ەكەنىن اتاپ ءوتتى.

دەپۋتاتتار سونىمەن قاتار «قازاقستان رەسپۋبليكاسىنىڭ ۇكىمەتى مەن ءبىلىم، عىلىم جانە مادەنيەت ماسەلەلەرى جونىندەگى بىرىككەن ۇلتتار ۇيىمى (يۋنەسكو) اراسىنداعى يۋنەسكو اياسىندا مادەنيەتتەردى جاقىنداستىرۋ حالىقارالىق ورتالىعىن (2-سانات) قۇرۋ تۋرالى كەلiسiمدى راتيفيكاتسيالاۋ تۋرالى» زاڭدى دا قابىلدادى (2-سانات). وسى قۇجاتقا سايكەس، ءبىزدىڭ ەلىمىز يۋنەسكو-نىڭ مادەنيەتارالىق ديالوگ سالاسىنداعى ساياساتىن ازىرلەۋگە قاتىسۋعا مۇمكىندىك الادى. ال قازىرگى "مادەنيەتتەردى جاقىنداستىرۋ ورتالىعى" رەسپۋبليكالىق مۋزەيىنىڭ نەگىزىندە يۋنەسكو اياسىندا مادەنيەتتەردى جاقىنداستىرۋدىڭ حالىقارالىق ورتالىعى قۇرىلاتىن بولادى.

سەناتورلار بۇگىن قازاقستاننىڭ ەۋرازيالىق ەكونوميكالىق وداققا قاتىسۋىنا قاتىستى حالىقارالىق قۇجاتتاردى دا راتيفيكاتسيالادى. ونىڭ ىشىندە: «2017 جىلعى 11 ساۋىردەگى ەۋرازيالىق ەكونوميكالىق وداقتىڭ كەدەن كودەكسى تۋرالى شارتقا وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى»، «2017 جىلعى 11 ساۋىردەگى ەۋرازيالىق ەكونوميكالىق وداقتىڭ كەدەن كودەكسى تۋرالى شارتقا وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى»، «2014 جىلعى 12 قاراشاداعى ەۋرازيالىق ەكونوميكالىق كوميسسيانىڭ باسەكەلەستىكتىڭ بىرىڭعاي قاعيدالارىنىڭ ساقتالۋىن باقىلاۋ جونىندەگى وكىلەتتىكتەردى جۇزەگە اسىرۋى كەزىندە قۇپيا اقپاراتتى قورعاۋ ءتارتىبى جانە ونى جاريا ەتكەنى ءۇشىن جاۋاپتىلىق تۋرالى كەلىسىمگە ارمەنيا رەسپۋبليكاسىنىڭ قوسىلۋى تۋرالى حاتتامانى راتيفيكاتسيالاۋ تۋرالى»، ء«بىر تاراپتان ەۋرازيالىق ەكونوميكالىق وداق پەن وعان مۇشە مەملەكەتتەر جانە ەكىنشى تاراپتان سەربيا رەسپۋبليكاسى اراسىنداعى ەركىن ساۋدا تۋرالى كەلىسىمدى راتيفيكاتسيالاۋ تۋرالى» زاڭدار بار.

سەناتورلار وتىرىستا دەپۋتاتتىق ساۋالداردى دا جاريا ەتتى. ناريمان تورەعاليەۆتىڭ ساۋالىندا باتىس قازاقستان وبلىسىنداعى بىرقاتار اۋدانداردى سۋمەن جابدىقتاۋ ماسەلەلەرى باياندالعان. سەناتور ولگا پەرەپەچينا ءبىلىم بەرۋ جۇيەسىندەگى، ونىڭ ىشىندە "كۇندەلىك" پورتالىنىڭ جۇمىسىنداعى قيىندىقتار تۋرالى ماسەلەنى كوتەردى. سەناتورلار ساعىندىق لۇقپانوۆ پەن سەرگەي ەرشوۆ تەمىرجول سالاسىنداعى بىرقاتار وزەكتى ماسەلەلەردى كوتەردى. ال دەپۋتات اندرەي لۋكين لومباردتاردىڭ قىزمەتىندەگى قۇقىق بۇزۋشىلىقتار مەن ولارعا جانە ميكروقارجى ۇيىمدارىنا باقىلاۋدى كۇشەيتۋ قاجەتتىگىنە نازار اۋداردى.

 

 

 

 

سوڭعى جاڭالىقتار

ەلگە كەرەك ەكى كىتاپ

رۋحانيات • بۇگىن، 08:52

«عارىشقا اپارار جول»

رۋحانيات • بۇگىن، 08:50

العاشقى عارىش ايلاعى

وقيعا • بۇگىن، 08:48

تاريحي جەرلەردىڭ تاعىلىمى بولەك

رۋحانيات • بۇگىن، 08:30

شيرەك فينالدا ءسۇرىندى

تەننيس • بۇگىن، 08:11

ەل-كلاسيكودا جەڭىسكە جەتتى

فۋتبول • بۇگىن، 08:06

رۋحى بيىك ەل ەشقاشان جەڭىلمەيدى

رۋحانيات • بۇگىن، 08:05

يزرايلدەن باسىم ءتۇستى

سپورت • بۇگىن، 08:04

عىلىمنىڭ جاڭا بەلەسى

عىلىم • بۇگىن، 08:01

ۇلتتىق ۇردىستەر ۇزىلمەيدى

قازاقستان • كەشە

ۇقساس جاڭالىقتار