ايماقتار • 28 قاڭتار، 2021

جارتى عاسىر جوندەۋ كورمەگەن «اقتوبە-قاندىاعاش» كۇرە جولى تورتجولاقتىعا اينالادى

5697 رەت كورسەتىلدى

ۇزىندىعى 89 شاقىرىم بولاتىن «اقتوبە-قاندىاعاش» تاسجولىن قايتا جوندەۋ جۇمىستارىن جۇرگىزەتىن مەردىگەرلەر انىقتالدى. مەردىگەرلەر جۇمىستى بيىلعى ءساۋىردىڭ ورتاسىنان، ياعني قار كەتىپ، جەر قۇرعاعان مەزگىلدەن باستاپ، جۇمىستى تولىعىمەن 2023 جىلدىڭ قاراشاسىندا اياقتاماقشى، دەپ حابارلايدى Egemen.kz

24 قاراشادا وتكىزىلگەن تەندەر قورىتىندىسى بويىنشا ونىڭ جوبالىق قۇنى  – 39،8 ملرد تەڭگە بەلگىلەنىپ، جول جوندەۋ جۇمىستارى ەكىگە بولىنگەنىن اقتوبە وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى مالىمبەت يبراشەۆ حابارلادى. وبلىس ورتالىعى مەن مۇعالجار اۋدانىنىڭ ورتالىعى قاندىاعاشتى بايلانىستىراتىن كۇرەجولدى قايتا قۇرىلىمداۋ جۇمىستارىنىڭ باس مەردىگەرلەرى – «سينە ميداس ستروي»  مەن «Todini costruzioni generali S.p.A»   كومپانيالارى. سوڭعىسىنىڭ باس كەڭسەسى تۇركيادا تىركەلگەن. جول جوباسىنىڭ ەكىنشى بولىگى – 52 كم-دەن 100 كم ارالىعىن (قاندىاعاش قالاسىنا كىرەتىن)  «اق جول قۇرىلىس» جشس-ءى، ازىربايجاندىق  «AzVirt» كومپانياسى جانە اقتوبەلىك  «اسسانا-دورستروي» جشس-ءى سالاتىن بولدى. ونىڭ جوبالىق-سمەتالىق  قۇنى – 22،8 ملرد تەڭگە دەپ بەكىتىلدى.

«قازاۆتوجول» ۇك» اق  اقتوبەلىك فيليالىنىڭ جەتەكشىسى قازىبەك مامبەتوۆتىڭ حابارلاۋىنشا، قازىر وسى جوباعا بەكىتىلگەن مەردىگەر كومپانيالار جول بولىكتەرىن قايتا قىرىپ، قۇرىلىسقا قاجەتتى ماتەريالداردى ساتىپ الۋ جۇمىستارىنا كىرىسكەن. قايتا سالىنا باستاعان  جولدىڭ  اسفالتبەتون جامىلعىسى  ءۇش قاباتتى بولىپ، ەڭ جوعارعى  جامىلعىسى قيىرشىق تاستى –ماستيكالىق اسفالتپەن بەكىتىلەدى. اقىرعى ناتيجە ء–بىر جاعىنان  وبلىسارالىق ماڭىزدى جولدارمەن جالعاستىراتىن، ەكىنشى جاعىنان وڭىردەگى  مۇناي كەنىشتەرىمەن بايلانىستىراتىن  وسى كۇرە جول تورتجولاقتى بولىپ وزگەرىپ، ءبىرىنشى تەحنيكالىق ساناتقا ەنگىزىلەدى. العا اۋدانىنىڭ ورتالىعى – العا مەن مۇعالجار اۋدانىنىڭ ورتالىعى قاندىاعاش قالالارىنىڭ ءدال ورتاسىنان وتەتىن باعىتى ءسال وزگەرتىلىپ،  قوسىمشا اينالما جولدار سالىنىپ، جول بويى بىرنەشە  شاعىن كوپىر تۇرعىزىلادى. كوپىر قۇرىلىستارىنا باسقا سۋبمەردىگەر كومپانيالار قاتىستىرىلادى.

جول سالىنعان كەزدە بىرنەشە جۇمىس ورىندارى اشىلىپ، سونىڭ ىشىندە  1000 اقتوبەلىكتى جۇمسقا تارتۋ جوسپارلانعان. سونداي-اق  جەرگىلىكتى تىگىن تسەحتارىنا ارناۋلى  جۇمىس كيىمدەرىن تىگۋگە تاپسىرىس بەرىلسە، جۇمىسشىلاردى ازىق-ت ۇلىكپەن  جەرگىلىكتى تاۋار وندىرۋشىلەر جابدىقتاماقشى.

كۇرە جولدىڭ ساپالى سالىنۋىن مونيتورينگتىك توپتار مەن وڭىردەگى سىبايلاس جەمقورلىققا قارسى ءىس-قيمىل جوبالارىن ىسكە اسىرۋشى «Adaldyq Alańy» جوبالىق كەڭسەسى ءۇش جىل بويى باقىلاۋدا ۇستايتىن بولادى.

 

 

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار