جاتتىعۋ شەڭبەرىندە اسكەري قىزمەتشىلەر «بولىمشەنىڭ مارش جاساۋ باعدارى», «بولىمشەنىڭ ەلدىمەكەندەردە ءىس-قيمىل جاساۋى» جانە «بولىمشەنىڭ جاۋىنگەرلىك اتىسپەن قورعانىس ۇيىمداستىرۋى» سىندى تاقىرىپتاردا شەبەرلىكتەرىن شىڭدادى. بولىمشە كومانديرلەرىنە جاۋىنگەرلىك تاپسىرمالاردى ورىنداۋ كەزىندە تاجىريبەلىك ماشىقتارىن جەتىلدىرۋ جانە ولاردى دۇرىس ورىنداۋ, قارسىلاستى تاۋىپ, ولاردىڭ جاۋىنگەرلىك كۇشىن جويۋعا ارنالعان تاپسىرمالار قويىلعان.
سونداي-اق جاتتىعۋ بارىسىندا قارسىلاستىڭ توسقيىلدان جانە اۋەدەن شابۋىل جاساۋى, زالالسىزداندىرىلماعان اۋدانمەن ءجۇرىپ ءوتۋ, مينا-جارىلعىش قورشاۋدان ءوتۋ, جەكە قۇرامدى پوزيتسياعا ورنالاستىرۋ, الدىڭعى شەپتە قارسىلاسقا شابۋىلداۋ جانە كوزىن جويۋ سىندى تاقىرىپتار كەڭىرەك پىسىقتالدى.
«جاۋىنگەرلىك اتىس ساباقتارى بولىمشەلەردىڭ كۇردەلى جاعدايداعى ارەكەتتەرى مەن ءوزارا بىرلەسىپ قيمىلداۋ ادىستەرىن تەكسەرۋ ماقساتىندا جۇرگىزىلىپ جاتىر. ول موتواتقىشتار جەكە قۇرامىمەن «زاڭسىز قۇرىلعان لاڭكەستەر توبىنىڭ كۇشىن جويۋ» تاقىرىبىندا ءوتتى. بولىمشە كومانديرلەرىنىڭ ۇرىس بارىسىندا جاۋىنگەرلىك بۇيرىقتى دۇرىس بەرۋ جانە اتىستى شەبەرلىكپەن باسقارۋ ناتيجەسىندە قارسىلاس توپتىڭ كوزى تۇگەل جويىلدى. بۇگىنگى بولىمشەلەردىڭ جاۋىنگەرلىك اتىستارى 100 پايىزعا ورىندالدى», دەيدى باتالون كومانديرىنىڭ ورىنباسارى كاپيتان بەكزات ابجاپاروۆ.
ايتا كەتسەك, قۇرلىق اسكەرلەرى باس قولباسشىسىنىڭ كومميسسيا مۇشەلەرى شىمكەنت گارنيزونىنىڭ اسكەري بولىمدەرىندە بولىمشەلەردىڭ كاسىبي بىلىكتىلىكتەرىن جانە جاۋىنگەرلىك اتىس دەڭگەيىن تەكسەرىپ, جوعارى باعا بەردى.
