پرەزيدەنت ۇكىمەتكە باس پروكۋراتۋرامەن بىرلەسىپ, جىل سوڭىنا دەيىن بوس جاتقان جايىلىمدىق جەرلەردى يەلەرىنەن قايتارىپ الۋدى تاپسىردى. ەلىمىزدە جايىلىمعا ارنالعان جەر جەتكىلىكتى. الايدا ونى رەتتەپ, قاداعالاپ وتىرعان جەرگىلىكتى اتقارۋشى ورگان جوق. سونىڭ سالدارىنان اۋىل ادامدارى قازىر قيىن جاعدايدا قالدى. ءتىپتى, كەيبىر ەلدى مەكەندەردىڭ ماڭايىن مال تاپتاپ, توپىراققا اينالدىرعان. وزگە جەردى كەيبىر شارۋاشىلىقتار مەنشىگىنە الىپ العان. نە وزدەرىندە مال جوق, نە باسقا مالدى جىبەرمەيدى. پرەزيدەنت ايتىپ وتكەندەي, جايىلىمداردىڭ 99 پايىزى قوجالىقتاردىڭ يەلىگىندە. 36 پايىزى عانا قولدانىستا, ال قالعان 46 ملن گەكتار جايىلىم بوس جاتىر.
ەلىمىزدە «جايىلىمدار تۋرالى» زاڭ بار. تەك وعان جەرگىلىكتى اتقارۋشى ورگاندار پىسقىرىپ تا قارامايدى. زاڭ بويىنشا مالى جوق شارۋاشىلىقتاردىڭ جايىلىمدىق جەرىن قايتارىپ الۋعا بولادى. بۇل تالاپتاردى شارۋا قوجالىقتارى ەسكەرمەيدى, ال جەرگىلىكتى اتقارۋشى ورگان باقىلامايدى. ەكى ورتادا زاردابىن حالىق شەگىپ وتىر.
ءماجىلىس دەپۋتاتى رەتىندە وسى ماسەلەگە بايلانىستى ۇكىمەتكە بىرنەشە رەت ساۋال جولدادىم. الايدا بۇل ماسەلە سول جابۋلى كۇيىندە قالدى. مەملەكەت باسشىسىنىڭ وسى پروبلەماعا نازار اۋدارىپ, ناقتى تاپسىرمالار بەرگەنى ورىندى دەپ ەسەپتەيمىن. پرەزيدەنتتىڭ شەشىلمەي تۇرعان وزەكتى ماسەلەنى كوتەرۋى اۋىل تۇرعىندارىن قۋانتقانى انىق.
جەكسەنباي دۇيسەباەۆ,
پارلامەنت ءماجىلىسىنىڭ VI شاقىرىلىم دەپۋتاتى
