وتىرىس بارىسىندا مەملەكەت باسشىسى ەكونوميكالىق جۇيەنى باسقارۋ كەزىندەگى داعدارىسقا قارسى شارالاردىڭ نەگىزگى باعىت-باعدارىن اتاپ ءوتتى. سونداي-اق الداعى ۋاقىتتا قولعا الىناتىن ەكونوميكالىق ءوسىمدى قالپىنا كەلتىرۋگە نەگىزدەلگەن رەفورمالاردى ايقىنداپ بەردى.
ماسەلەن, مەملەكەت باسشىسى ەكونوميكالىق قىلمىستارمەن كۇرەس اگەنتتىگى قۇرىلاتىنىن مالىمدەدى. مەنىڭ ويىمشا, بۇل باستامانى مەملەكەتتى ستراتەگيالىق دەڭگەيدە باسقارۋدى نىعايتۋدىڭ, ينستيتۋتسيونالدىق رەفورمالاردىڭ ءتيىمدى قادامى دەپ باعالاۋعا بولاتىن سەكىلدى. ارينە, اتالعان اگەنتتىكتىڭ قىزمەتتىك مىندەتتەرى الداعى ۋاقىتتا انىقتالادى. دەگەنمەن, پرەزيدەنتتىڭ سوزىنە قاراعاندا, بۇل ۆەدومستۆو «كولەڭكەلى» ەكونوميكاعا قارسى كۇرەستى كۇشەيتەتىنىن اڭعارۋعا بولادى.
بۇلاي دەپ بولجام جاساۋدىڭ ءوز سەبەبى بار. ماسەلەن, ەل پرەزيدەنتى مەملەكەت پەن بيزنەستىڭ قارىم-قاتىناسىن تسيفرلاندىرۋدى ۇسىندى. ياعني, مەملەكەت باسشىسى جەكە كاسىپكەرلەردى ونلاين-كاسسالىق ماشينالار مەن POS-تەرمينالداردى قولدانعان جاعدايدا سالىقتىق ەسەپ بەرۋدەن بوساتۋ ماسەلەسىن قاراستىرۋدى تاپسىردى. مەنىڭشە, جاڭادان قۇرىلاتىن ەكونوميكالىق قىلمىستارمەن كۇرەس اگەنتتىگى كاسىپكەرلەردىڭ بوساڭسىپ كەتپەۋىنە ىقپال ەتەدى.
بەكجان سادىقوۆ,
پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ اعا عىلىمي قىزمەتكەرى, ەكونوميكا عىلىمدارىنىڭ ماگيسترى
