«Nur Otan» پارتياسىنىڭ رەسپۋبليكالىق قوعامدىق قابىلداۋىنا جازىلۋ قايتا جاندانادى

قازاقستان • 27 قاڭتار، 2021

«Nur Otan» پارتياسىنىڭ رەسپۋبليكالىق قوعامدىق قابىلداۋىنا جازىلۋ قايتا جاندانادى

19 رەت كورسەتىلدى

«Nur Otan» پارتياسىنىڭ رەسپۋبليكالىق قوعامدىق قابىلداۋ بولمەسى ازاماتتاردى قابىلداۋدى قايتا باستايدى. كارانتيندىك شارالارعا بايلانىستى ولار ونلاين پىشىندە ۇيىمداستىرىلاتىن بولادى، دەپ حابارلايدى Egemen.kz.

جانبولات كەنجەعۇل

اتاپ ايتقاندا، 3 اقپاندا – قارجى ءمينيسترى ەرۇلان جاماۋباەۆ، 5 اقپاندا – مادەنيەت جانە سپورت ءمينيسترى اقتوتى رايىمقۇلوۆا، ءبىلىم جانە عىلىم ءمينيسترى اسحات ايماعامبەتوۆ، 19 اقپاندا – ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ، 24 اقپاندا – ۇلتتىق ەكونوميكا ءمينيسترى اسەت يرعاليەۆ، 25 اقپاندا – ساۋدا جانە ينتەگراتسيا ءمينيسترى باقىت سۇلتانوۆ جانە 26 اقپاندا – ەنەرگەتيكا ءمينيسترى نۇرلان نوعاەۆ ازاماتتاردى قابىلدايدى.

قابىلداۋعا جازىلۋ ءۇشىن تومەندەگى نومىرلەرگە حابارلاسۋ كەرەك:
1. Call-ورتالىق 8 800 080 4441 (قازاقستان بويىنشا قوڭىراۋ شالۋ تەگىن);
2. Whatsapp 8700 800 4441
3. komek@nurotan.kz

ايتا كەتۋ كەرەك، وتكەن جىلى «Nur Otan» پارتياسىنىڭ قوعامدىق قابىلداۋ بولمەسىنە بۇكىل ەل بويىنشا 393،2 مىڭنان استام ءوتىنىش كەلىپ ءتۇستى، بۇل 2019 جىلمەن سالىستىرعاندا 2 ەسە كوپ.

بۇل رەتتە سوڭعى 5 جىلدا پارتياعا 1،2 ملن ادام جۇگىندى، ونىڭ ىشىندە 423 مىڭنان استامى – ونلاين-فورماتتا. ولاردىڭ 92% وڭ شەشىمىن تاپتى، تەگىن كونسۋلتاتيۆتىك، قۇقىقتىق جانە وزگە دە كومەك كورسەتىلدى.

تالداۋ كورسەتكەندەي، حالىقتى نەگىزىنەن الەۋمەتتىك قامسىزداندىرۋ – 30%، تۇرعىن ءۇي-كوممۋنالدىق شارۋاشىلىق – 16%، تۇرعىن ۇيمەن قامتاماسىز ەتۋ – 15%، ەڭبەك داۋلارى – 14%، قۇرىلىس – 9%، ءبىلىم بەرۋ – 9%، مەديتسينالىق قىزمەت كورسەتۋ – 7% ماسەلەلەرى الاڭداتتى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز