قارجى • 27 قاڭتار، 2021

2021 جىلعى قاڭتارداعى جاعداي بويىنشا زەينەتاقى اكتيۆتەرىنىڭ كورسەتكىشى قانداي؟

30 رەت كورسەتىلدى

enpf.kz سايتى 2021 جىلعى 1 قاڭتارداعى جاعداي بويىنشا بجزق زەينەتاقى اكتيۆتەرىنىڭ ينۆەستيتسيالىق پورتفەلىن جاريالادى، دەپ حابارلايدى Egemen.kz.

2021 جىلعى 1 قاڭتارداعى جاعداي بويىنشا قازاقستان رەسپۋبليكاسى ۇلتتىق بانكىنىڭ سەنىمگەرلىك باسقارۋىنداعى بجزق زەينەتاقى اكتيۆتەرى شامامەن 12،9 ترلن تەڭگەنى قۇرادى. 

ەسەپتى كۇنگى جاعداي بويىنشا بجزق زەينەتاقى اكتيۆتەرى ەسەبىنەن قالىپتاستىرىلعان قارجى قۇرالدارىنىڭ ينۆەستيتسيالىق پورتفەلىنىڭ قۇرىلىمى بجزق رەسمي سايتىنىڭ «كورسەتكىشتەر»-«ينۆەستيتسيالىق قىزمەت» بولىمىندە ورنالاستىرىلعان. 

قر 2020 جىلعا ارنالعان ۇلتتىق قورىن باسقارۋ جونىندەگى كەڭەس ماقۇلداعان باعىتتار شەڭبەرىندە قر ۇب (سەنىمگەرلىك باسقارۋشى رەتىندە) ينۆەستيتسيالاۋدىڭ نەگىزگى باعىتتارىن بىلايشا كورسەتكەن: 

- قر قارجى مينيسترلىگى شىعارعان، اعىمداعى قۇنى 5 648،4 ملرد تەڭگەنى (بارلىق پورتفەلدىڭ 43،8%)  قۇرايتىن قر مەملەكەتتىك باعالى قاعازدارى، تەڭگەمەن نومينالدانعان مبق ورتاشا الىنعان كىرىستىلىگى جىلىنا 8،8% ، اقش دوللارىندا – جىلىنا 4،4%  قۇرادى; 

- قر كۆازيمەملەكەتتىك ۇيىمدارىنىڭ وبليگاتسيالارى (اعىمداعى قۇنى 1 821،67 ملرد تەڭگە (14،13 %)، تەڭگەگە نومينالدانعان وسى قۇرالدار بويىنشا ورتاشا الىنعان كىرىستىلىك جىلىنا 10،8%، اقش دوللارىندا – جىلىنا 5،2% قۇرادى; 

- 1 158،49 ملرد تەڭگە (8،98%) بولاتىن قر ەكىنشى دەڭگەيدەگى بانكتەرىنىڭ وبليگاتسيالارى. جىل باسىمەن سالىستىرعاندا ەدب وبليگاتسيالارىنىڭ ۇلەسى 2،1% ازايدى. قر ەدب تەڭگەدە نومينالدانعان وبليگاتسيالارى بويىنشا وتەۋگە ورتاشا الىنعان كىرىستىلىك جىلىنا 10،1%، اقش دوللارىندا – جىلىنا 6،3%  قۇرادى; 

- 816،53 ملرد تەڭگە مولشەرىندە سىرتقى باسقارۋداعى اكتيۆتەر (پورتفەلدىڭ 6،33%). 2020 جىلعى 1 قاڭتارمەن سالىستىرعاندا 285،36% ء وسۋى ەسەپتى كەزەڭ ىشىندە ماندات شارتتارىنا سايكەس جۇرگىزىلگەن ينۆەستيتسيالارعا نەگىزدەلگەن.

اكتيۆتەر سونداي-اق، شەتەلدىك جانە قازاقستاندىق بانكتەردىڭ دەپوزيتتەرىنە (تيىسىنشە، بۇكىل پورتفەلدىڭ 2،19% جانە 1،95%)، قازاقستان رەسپۋبليكاسى ۇلتتىق بانكىنىڭ دەپوزيتتەرىنە (2،58% قۇرايدى)، قازاقستاندىق ەميتەنتتەردىڭ اكتسيالارى مەن دەپوزيتارلىق قولحاتتارىنا (ۇلەسى 2،28%)، شەتەلدىك ەميتەنتتەردىڭ اكتسيالارى مەن دەپوزيتارلىق قولحاتتارىنا (0،24%) جانە نارىق تالاپتارىنداعى باسقا دا قارجى قۇرالدارىنا ارتاراپتاندىرىلعان. 

بجزق زەينەتاقى اكتيۆتەرى ەسەبىنەن ساتىپ الىنعان قارجى قۇرالدارى نومينالدانعان ۆاليۋتالار بولىنىسىندە قارجى قۇرالدارىنىڭ ينۆەستيتسيالىق پورتفەلى تومەندەگىدەي كورىنىسكە يە: 

- ۇلتتىق ۆاليۋتاداعى ينۆەستيتسيالار – 70،91 %، اقش دوللارىندا – 28،9 %، باسقا ۆاليۋتالاردا – زەينەتاقى اكتيۆتەرى پورتفەلىنىڭ 0،19%. 

ەسەپتەلگەن ينۆەستيتسيالىق تابىستىڭ قۇرىلىمى مىناداي:

- باعالى قاعازدار، ونىڭ ىشىندە ورنالاستىرىلعان سالىمدار جانە  «كەرى رەپو»  وپەراتسيالارى بويىنشا سىياقى تۇرىندەگى كىرىستەر 831،68 ملرد تەڭگە;

- باعالى قاعازداردى نارىقتىق قايتا باعالاۋدان كىرىستەر (شىعىندار) 85،76 ملرد تەڭگە; 

- شەتەل ۆاليۋتاسىن قايتا باعالاۋدان كىرىستەر (شىعىندار) 291،02 ملرد تەڭگە;

- باسقا اكتيۆتەردى قايتا باعالاۋدان كىرىستەر (شىعىندار) (پفي) (5،49) ملرد تەڭگە; 

- سىرتقى باسقارۋداعى اكتيۆتەر بويىنشا كىرىستەر (شىعىندار) 50،25 ملرد تەڭگە;

- باسقا دا كىرىستەر 9،28 ملرد تەڭگەنى قۇرادى.

ينۆەستيتسيالىق قىزمەت ناتيجەسىندە، سونداي-اق، شەتەل ۆاليۋتالارى باعامدارىنىڭ قۇبىلمالىلىعى جانە قارجى قۇرالدارىنىڭ نارىقتىق قۇنىنىڭ وزگەرۋى سالدارىنان ەسەپتەلگەن ينۆەستيتسيالىق كىرىس مولشەرى 2020 جىلدىڭ باسىنان باستاپ 1،3 ترلن تەڭگەنى قۇرادى. 2020 جىلدىڭ باسىنان باستاپ سالىمشىلاردىڭ (الۋشىلاردىڭ) شوتتارىنا بولىنگەن بجزق زەينەتاقى اكتيۆتەرىنىڭ كىرىستىلىگى ينفلياتسيا 7،5% بولعان كەزدە 10،92% قۇرادى.

جيناقتاۋشى زەينەتاقى جۇيەسى ەنگىزىلگەننەن بەرى سالىمشىلار العان ينۆەستيتسيالىق تابىس 5،6 ترلن تەڭگەدەن استى. 1998 جىلدان (جيناقتاۋشى زەينەتاقى جۇيەسى جۇمىس ىستەي باستاعان) باستاپ ينۆەستيتسيالىق تابىستىلىق ءوسۋ قورىتىندىسىمەن 602،90%  قۇرادى. بۇل رەتتە ينفلياتسيا 496،65% بولدى. وسىلايشا 2021 جىلعى 1 قاڭتارداعى جاعداي بويىنشا زەينەتاقى اكتيۆتەرىنىڭ ناقتى تابىستىلىعى 106،25%  قۇرادى. 

 

سوڭعى جاڭالىقتار

العا باسقان ازاماتتىق قوعام

قازاقستان • بۇگىن، 08:26

70 ملن توننا مۇناي ەكسپورتتالدى

قازاقستان • بۇگىن، 08:17

ماقتانىشىم مەن ساعىنىشىم

قازاقستان • بۇگىن، 08:15

جاقسىلىققا جەتەلەگەن جوبا

قوعام • بۇگىن، 08:10

وزىق كاسىپورىن – «رودينا»

قوعام • بۇگىن، 08:10

تاريحي ماڭىزى زور شەشىم

قازاقستان • بۇگىن، 08:06

ەرىكتىلەردىڭ ەلەۋلى ءىسى

قوعام • بۇگىن، 08:05

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار