«ولار اتىراۋعا ماڭعىستاۋ وبلىسىنان ارنايى كەلگەن. تەكسەرۋ كەزىندە ولاردان ۇيالى تەلەفوندار, ينتەرنەت مودەمى, قۇلاققاپتار مەن قۋاتتاندىرعىش قۇرىلعىلار تابىلدى. 25 جاستاعى ەكى ازاماتتىڭ بۇرىن سوتتالعانى بەلگىلى بولدى», دەپ حابارلادى دەپارتامەنتتىڭ ءباسپاسوز قىزمەتى.
ۇستالعان ازاماتتار بۇعان دەيىن دە ءدال وسىنداي قۇقىق بۇزۋشىلىق جاساعان. سول كەزدە سوت ولارعا ەسكەرتۋ بەرگەن ەكەن. ال بۇل جولى سوت شەشىمىمەن ەكەۋى دە 20 تاۋلىككە اكىمشىلىك قاماۋعا الىندى.
«ۋگ-157/9 مەكەمەسىنىڭ اۋماعىندا «سەرگەك» بەينەباقىلاۋ جۇيەسى ورناتىلدى. تۇرمەنىڭ ماڭىنا پوليتسيا قىزمەتكەرلەرى ۇنەمى باقىلاۋ جۇرگىزەدى. ال, تىيىم سالىنعان زاتتاردى وتكىزۋگە ۇمتىلۋ سەكىلدى قۇقىق بۇزۋشىلار قاتاڭ جازالاناتىن بولادى», دەيدى دەپارتامەنت باستىعى ماناربەك عابدۋللين.
