الەم • 27 قاڭتار، 2021

ەستونيا ۇكىمەتى العاش رەت ايەل ادامنىڭ بيلىگىنە ءوتتى

9 رەت كورسەتىلدى

تالليندە 26 قاڭتاردا ەستونيانىڭ جاڭا ۇكىمەتى انت بەردى، ونى ەل تاريحىندا العاش رەت ايەل ادام – رەفورمالار پارتياسىنىڭ ءتورايىمى كايا كاللاس باسقاردى، دەپ حابارلايدى Egemen.kz

پارلامەنتتە سويلەگەن 43 جاستاعى كاللاس قۇرامى جەتى ايەلدەن تۇراتىن جاڭا كابينەت ء«وسۋ ۇكىمەتى» بولادى دەپ مالىمدەدى. ول كوروناۆيرۋس پاندەمياسىنان تۋىنداعان ەكونوميكالىق داعدارىستىڭ سالدارىن ەڭسەرۋدى ءبىرىنشى كەزەكتەگى مىندەتتىڭ ءبىرى دەپ اتادى.

ەستونيا پرەزيدەنتى كەرستي كاليۋلايد كايا كاللاسقا 13 قاڭتاردا بۇرىنعى پرەمەر-مينيستر، ورتالىقشىل پارتياسىنىڭ توراعاسى يۋري راتاس سىبايلاس جەمقورلىققا بايلانىستى وتستاۆكاعا كەتكەننەن كەيىن ۇكىمەت قۇرۋدى ۇسىندى.

Dpa اگەنتتىگىنىڭ حابارلاۋىنشا، بۇل پارتياعا قاتىستى داۋلى مەملەكەتتىك نەسيە تۋرالى تەرگەۋ جۇرگىزىلىپ جاتىر. كايا كاللاس – ەۋروپا ءۇشىن ليبەرالدار مەن دەموكراتتار اليانسىنا كىرەتىن ەۋروپا پارلامەنتىنىڭ بۇرىنعى دەپۋتاتى.

ول – بۇرىنعى پرەمەر-مينيستر جانە ەۋروكوميسسيانىڭ بۇرىنعى مۇشەسى بولعان رەفورمالار پارتياسىن قۇرۋشىلاردىڭ ءبىرى سيم كاللاستىڭ قىزى.



سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار