ايماقتار • 27 قاڭتار، 2021

اكە جولىن جالعار ۇل

739 رەت كورسەتىلدى

ەلدىڭ ىس­تىق ىقى­لاسىنا بو­لەن­گەن تانىمال ايتىس اقىن­دارىنىڭ قاتارىندا اتىراۋلىق سالاۋات يسا­حاەۆ تا بار ەدى. الاي­دا سۇم اجال ونىڭ ءوم­ىرىن قي­­ىپ كەتتى. ەندى ونىڭ ايتىس­­تاعى جولىن ۇلى ەرنۇر جال­عاس­تىرعالى وتىر. جاقىندا ول «حا­بار» اگەن­ت­تىگى ۇيىم­داستىرعان «اitystar» تەلە­جوباسىنىڭ جە­ڭىم­پازى اتان­دى.

قازىر 16 جاستاعى ەرنۇر يساحاەۆ جى­لىوي اۋدا­نىنداعى شوقپارتوعاي اۋىلىندا تۇرادى. وسىنداعى №3 ورتا مەك­تەپتىڭ 10-سىنىبىندا وقيدى.

– بۇل جوباعا كەلمەي قالعان اقىنداردىڭ ورنىنا قاتىسۋ ءۇشىن ايتىسكەر بالعىنبەك يماشەۆ شاقىرىپ ەدى. «باعىڭدى سىناپ كور» دەپ ۇسىنىس ايتتى. وسىدان ەكى جىل بۇرىن اكەمدى ەسكە الۋعا ار­نالعان ايتىسقا قا­تىس­­قان ەدىم. ال مۇن­داي مۇمكىندىك كەيىن قاي­تا­لانبايتىن شىعار. سول سەبەپتەن، جوباعا قاتى­سۋدان باس تارتپادىم، – دەيدى ەرنۇر يساحاەۆ.

ونىڭ ايتۋىنشا، اكەسى سالاۋات كوزى تىرىسىندە ۇلىن ايتىسقا شىعار­ما­عان ەكەن. بالكىم، قاناتى قاتايا ءتۇسسىن دەگەن بولار. ءسوز ونەرىنىڭ قادىرىن ۇعىندىرىپ، شەبەرلىگىن شىڭدار ءتالىم بەرگىسى كەلگەن شىعار. دەگەن­مەن، ايتىسكەر اكەسىنىڭ جولىن جالعاستىرعىسى كەلگەن جاس ورەن­نىڭ تالابىنا بالعىنبەك يماشەۆ قولداۋ ءبىلدىردى. ءسويتىپ، ءوزىنىڭ دومبىراسىن سىيعا تارتتى.

– اقتىق سىنداعى باستى ەرەكشەلىك – ايتىس­كەرلەردىڭ شوۋ-بيزنەس جۇلدىزدارىمەن جۇپتاسا ونەر كورسەتۋى. مەنىڭ جۇبىم – ءانشى ەردوس قاناەۆ. كوپ جىل اۋداندىق، وبلىستىق بايقاۋلارعا قاتىسىپ كەلەمىن. ەندى مىنە، رەسپۋبليكالىق تەلەجوبادا باس جۇلدەگە يە بولدىم. مەكتەپ بىتىرگەن سوڭ قازاق ۇلتتىق ونەر ۋنيۆەرسيتەتىندە اكتەرلىك، شىعار­ماشىلىق باعىتتا جوعارى ءبىلىم العىم كەلەدى. ادەبيەت، تاريح، ماتەماتيكا پاندەرىنە ەرەكشە قىزىعامىن، – دەيدى ەرنۇر يساحاەۆ.

 

اتىراۋ وبلىسى

 

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار