– پاۆلودارلىق جەدەل ۋاكىلدەر 12 جىل بويى مەملەكەتارالىق ىزدەۋدە جۇرگەن رەسەي فەدەراتسياسىنىڭ ازاماتىن ۇستادى. ول 2009 جىلى رەسەي فەدەراتسياسىنىڭ يۆانوۆو قالاسىندا ۆەلوسيپەد ۇرلاعان. وعان قاتىستى قىلمىستىق ءىس قوزعالىپ, ىزدەۋ جاريالانعان. 31 جاستاعى ازامات 12 جىل بويى پوليتسيادان جاسىرىنىپ جۇرگەن. وسى جىلدار ىشىندە ول تۇرعىلىقتى جەرىن ۇنەمى وزگەرتىپ وتىرعان. جەدەل ۋاكىلدەر ىزدەۋ جاريالانعان ەر ادامدى پاۆلودار قالاسىنىڭ جالدامالى پاتەرلەرىنىڭ بىرىنەن ۇستادى. ول ۋاقىتشا ۇستاۋ يزولياتورىنا قامالدى. ونىڭ ۇستالعانى تۋرالى ىزدەستىرۋ باستاماشىلارىنا حابارلاندى. ەكستراديتسيالاۋ ماسەلەسى شەشىلۋدە, – دەدى پاۆلودار وبلىسى پوليتسيا دەپارتامەنتى كريمينالدىق پوليتسيا باسقارماسىنىڭ باستىعى بالعاباي قاپاروۆ.
پوليتسيا دەپارتامەنتىنىڭ قىزمەتكەرلەرى حالىقارالىق تاپسىرمالار اياسىندا باسقا مەملەكەتتەردەگى ارىپتەستەرىمەن تىعىز قارىم-قاتىناستا جۇمىس ىستەپ جاتقانىن اتاپ ءوتتى. ايتا كەتۋ كەرەك, 2020 جىلى ىزدەۋدە 217 قىلمىسكەر بولدى, ولاردىڭ 118-ءىنىڭ جۇرگەن جەرى انىقتالدى.
