قازاقستان • 26 قاڭتار، 2021

قازاقستاندا مونوپولياعا قارسى جاڭا زاڭ ازىرلەنەدى

9 رەت كورسەتىلدى

قازاقستاندا مونوپولياعا قارسى جاڭا زاڭ ازىرلەنەدى. مۇنداي مىندەتتى ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقاەۆ ۇكىمەت پەن باسەكەلەستىكتى قورعاۋ جانە دامىتۋ اگەنتتىگىنە تاپسىردى، دەپ حابارلايدى Egemen.kz

«بۇل تاپسىرمالار بلوگىن بۇكىل مەملەكەتتىك اپپارات جۇمىسىنىڭ باسىمدىعىنا اينالۋعا ءتيىس ەڭ وتكىر ماسەلەلەردىڭ بىرىمەن اياقتاعىم كەلەدى. ول – باسەكەنى دامىتۋ. بۇگىنگى تاڭدا ەلدىڭ ەكونوميكاسى مەملەكەتتىڭ قاتتى ارالاسۋىنان عانا ەمەس، جەكە مونوپوليستەردىڭ باسەكەدەن تىس ارەكەتتەرىنەن دە زارداپ شەگىپ وتىر. ولاردىڭ قاتارىندا مەملەكەتتىڭ ءوزى قۇرعان بىرىڭعاي وپەراتورلاردى، جەكە مونوپوليالاردى دا اتاپ وتۋگە بولادى. سول سەبەپتى باسەكەلەستىكتى قورعاۋ جانە دامىتۋ اگەنتتىگىنە وسىنداي قۇرىلىمداردى ۇستاۋدىڭ قاجەتتىلىنە تالداۋ جۇرگىزۋدى تاپسىرامىن»، - دەدى قاسىم-جومارت توقاەۆ ۇكىمەتتىڭ كەڭەيتىلگەن وتىرىسىندا.

پرەزيدەنتتىڭ ايتۋىنشا، ءبىزدىڭ ەلدە وسىنداي 50-گە تارتا مونوپوليا بار.

ء«وز ۇسىنىستارىڭىزدى 1 ماۋسىمعا دەيىن ماعان اكەلىڭىزدەر. ارتىنشا نە ىستەۋ كەرەكتىگىن شەشەمىز. ولاردى بالكىم مارتەبەسىنەن ايىرامىز، كەرەك بولسا ءتىپتى جابامىز. ۇكىمەت پەن باسەكەلەستىكتى قورعاۋ جانە دامىتۋ كوميتەتىنە 2022 جىلعى 1 قاڭتارعا دەيىن ادال باسەكەلەستىككە كەدەرگى كەلتىرىپ تۇرعان نەگىزگى پروبلەمالاردى شەشۋگە باعىتتالعان زاڭ جوباسىن قابىلداۋدى تاپسىرامىن»، - دەدى مەملەكەت باسشىسى.

پرەزيدەنت وسى زاڭ قابىلدانعانعا دەيىن مەملەكەتتىك جانە جەكە وپەراتورلاردى قۇرۋعا تىيىم سالىنۋى كەرەكتىگىن ەسكەرتتى.

سوڭعى جاڭالىقتار

ۇقساس جاڭالىقتار