«بيىل تاۋەلسىزدىگىمىزدىڭ 30 جىلدىعىن اتاپ وتەمىز. وسىعان وراي قولعا الىنعان رەفورمالاردى قارقىندى تۇردە جۇزەگە اسىرۋىمىز كەرەك. مەرەيتوي كەزىندە ارتىق داڭعازا مەن ىسىراپشىلدىققا جول بەرىلمەيدى. ءبىز وسى شارالار ارقىلى بىرلىك پەن كەلىسىمدى نىعايتىپ, وسكەلەڭ ۇرپاقتىڭ بويىنداعى ءپاتريوتيزمدى دامىتۋعا ءتيىسپىز. ولاردى ەگەمەندىگىمىزدىڭ جانە مەملەكەتتىمىزدىڭ قۇندىلىقتارىن باعالاي بىلۋگە ۇيرەتۋىمىز قاجەت. سوندىقتان مەن «تاۋەلسىزدىك بارىنەن قىمبات» اتتى ماقالامدا قازىرگى يدەولوگيالىق باعدارلامالاردى ناقتى اتاپ كورسەتتىم. ءبىزدىڭ ماقساتىمىز – ازاماتتارىمىزدىڭ تۇرمىس ساپاسىن جاقسارتىپ, تابىسىن ارتتىرۋ. مەملەكەتىك ورگانداردىڭ ءاربىر شەشىمى, ءاربىر ارەكەتى ەكونوميكانى دامىتۋعا جانە حالىقتىڭ يگىلىگىنە ارنالۋعا ءتيىس. بۇل ءبىزدىڭ قولىمىزدان كەلەدى», دەپ تۇيىندەدى پرەزيدەنت قاسىم-جومارت توقاەۆ.
ەسكە سالا كەتسەك مەملەكەت باسشىسى قاسىم-جومارت توقاەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى ءوتتى. ونلاين فورماتتاعى جيىندا ەلدىڭ الەۋمەتتىك-ەكونوميكالىق دامۋىنىڭ 2020 جىلعى قورىتىندىلارى مەن الداعى جوسپارى تالقىلاندى.
