وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا قاراعاندا, اتىراۋ قالاسىندا تۇراتىن 51 جاستاعى ايەل بوپسالاۋ تۋرالى ارىز ءتۇسىپتى.
«شاعىمدانۋشىنىڭ ارىزىندا وزگە ازاماتشانىڭ قورقىتىپ 50 000 تەڭگە تالاپ ەتكەنى ايتىلعان. وزبەكستان رەسپۋبليكاسىنىڭ 32 جاستاعى ازاماتشاسى عالامتور جەلىسىنە جابىرلەنۋشىنىڭ ينتيمدىك سيپاتتاعى بەينەجازبالارىن جۇكتەيمىن دەپ بوپسالاعان. كۇدىكتى ازاماتشا 19 قاڭتاردا اتىراۋ قالاسىنىڭ س.داتوۆ كوشەسىندە ورنالاسقان بانك فيليالىنداعى تەرمينالدان تالاپ ەتكەن اقشاسىن ەسەپشوتىنا سالدىرتقان. پوليتسيا كۇدىكتىنى سول جەردە ۇستادى», دەپ حابارلادى دەپارتامەنتتىڭ ءباسپاسوز قىزمەتىنەن.
قازىر اتالعان دەرەككە قاتىستى قر قىلمىستىق كودەكسىنىڭ 194-بابى 1-بولىگىمەن سوتقا دەيىنگى تەرگەۋ جۇرگىزىلىپ جاتىر.
