بوكس • 26 قاڭتار، 2021

بوكستان جاستار اراسىنداعى ەل بىرىنشىلىگى اياقتالدى

5 رەت كورسەتىلدى

الماتىداعى رەسپۋبليكالىق سپورت كوللەدجدە بوكستان جاستار اراسىنداعى قازاقستان بىرىنشىلىگى ءوز مارەسىنە جەتتى. بۇل جارىس بەلگىلى قوعام قايراتكەرى امالبەك تشاننىڭ جۇلدەسى ءۇشىن ءوتتى، دەپ حابارلايدى Egemen.kz

ايتۋلى دوداعا جامبىل وبلىسىنىڭ ورەندەرى جاقسى دايارلىقپەن كەلگەن ەكەن. ولار 2 التىن، 2 كۇمىس جانە 4 قولا مەدالدى يەلەنىپ، جالپى كوماندالىق ەسەپتە ءبىرىنشى ورىن الدى. 2 التىن، 1 كۇمىس جانە 3 قولانى ولجالاعان الماتى قالاسىنىڭ سايىپقىراندارى ەكىنشى ساتىعا تابان تىرەدى. ءۇشىنشى ورىندا – شىعىس قازاقستان وبلىسى. كەڭدى التايدان كەلگەن بىلعارى قولعاپ شەبەرلەرى 2 التىن، 1 كۇمىس جانە 2 قولاعا قول جەتكىزدى.

جەكەلەگەن سالماق دارەجەلەرى بويىنشا مىنا بوكسشىلار جەڭىس تۇعىرىنىڭ ەڭ بيىك ساتىلارىنا كوتەرىلدى: 46 كيلو – ەرنار قاراپ (شقو)، 49 كيلو – كەنجە مارات ۇلى (الماتى وبلىسى)، 52 كيلو – جاندوس جۇماباەۆ (شىمكەنت)، 56 كيلو – ابدىعالىم ابدىكارىم (تۇركىستان)، 60 كيلو – ەلنۇر ءسۇيىنباي (جامبىل)، 64 كيلو – باۋىرجان ءساتجانوۆ (شقو)، 69 كيلو – ارمات ارمان ۇلى (الماتى قالاسى)، 75 كيلو – سۇلتان باباحانوۆ (جامبىل)، 81 كيلو – تەمىرلان مۇقاتاەۆ (نۇر-سۇلتان)، 91 كيلو – ءمادي ءامىروۆ (الماتى قالاسى) جانە +91 كيلو – دانيال ساپارباي (تۇركىستان). 

سوڭعى جاڭالىقتار

ۇقساس جاڭالىقتار