ايماقتار • 25 قاڭتار، 2021

جامبىل وبلىسىندا بالىق شارۋاشىلىعى دامىپ كەلەدى

29 رەت كورسەتىلدى

جامبىل وبلىسىندا ءوتكەن جىلى بالىق شارۋاشىلىعىن دامىتۋ قولعا الىنعان بولاتىن. بۇگىندە وڭىردە 122 جەرگىلىكتى ماڭىزى بار بالىق شارۋاشىلىعى سۋ ايدىنى بار. ال، رەسپۋبليكالىق ماڭىزى بار بالقاش كولىنىڭ 18 ۋچاسكەسى ورنالاسقان. ونىڭ 83-ءى كاسىپپەن اينالىسۋعا نيەتتى 74 تابيعات پايدالانۋشىلارعا بەكىتىلىپ بەرىلگەن بولسا، قالعان 38 بالىق شارۋاشىلىعى سۋ ايدىنى ازىرگە بوس.

وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسى جانۋارلار دۇنيەسىن قورعاۋ جانە بالىق شارۋاشىلىعى ءبولىمىنىڭ باس مامانى رۋسلان بالتاەۆ اعىمداعى جىلدىڭ تامىزىندا رەزەرۆتىك قورداعى 13 بالىق شارۋاشىلىعىنا سۋ ايدىندارىن بەكىتىپ بەرۋ كونكۋرسى وتكىزىلگەنءىن ايتتى. كونكۋرسقا 18 كاسىپكەردەن 20 كونكۋرستىق ءوتىنىم ءتۇسكەن. ناتيجەسىندە 5 كاسىپكەرگە 5 بالىق شارۋاشىلىعى سۋ ايدىندارى بەكىتىلىپ بەرىلگەن. الداعى ۋاقىتتا قالعان سۋ ايدىندارىنا كونكۋرس جاريالانادى. جالپى، وڭىردەگى بالىق شارۋاشىلىعى سۋ ايدىندارىنا اعىمداعى جىلدىڭ 15 اقپانىنان باستاپ، 1 شىلدەسىنە دەيىن بالىق اۋلاۋ ءليميتى 673،3 توننانى قۇراپ وتىر. بۇگىنگى كۇنگە 666 توننا بالىق اۋلانىپتى. ناتيجەسىندە تابيعات پايدالانۋشىلاردان جەرگىلىكتى بيۋدجەتكە 11 ميلليون 943 مىڭ تەڭگە تۇسكەن. ال، اعىمداعى جىلدىڭ 1 شىلدەسىنەن 2021 جىلدىڭ 1 شىلدەسىنە دەيىن وبلىس اۋماعىنداعى بالىق شارۋاشىلىعى سۋ ايدىندارىنا بالىق اۋلاۋ ءليميتى 1150،7 توننانى قۇراپ وتىر.

 الايدا، وبلىستاعى بالىق شارۋاشىعىن دامىتۋدا سۋ ايدىندارىن تىرشىلىك نارىمەن قامتاماسىز ەتۋدە كەدەرگىلەر بار بولىپ وتىر. «باسقارما وبلىستاعى بارلىق سۋ ايدىندارىنىڭ سۋمەن قامتاماسىز ەتىلۋىن زەردەلەپ شىقتى. ناتيجەسىندە، 122 سۋ ايدىننىڭ ىشىندە تەك 17 ايدىندا عانا سۋ دەڭگەيى تۇراقتى ەكەندىگى انىقتالىپ وتىر. ءبىز وبلىسىمىزداعى بالىق شارۋاشىلىعى سۋ ايدىندارىن سۋمەن تۇراقتى قامتاماسىز ەتپەسەك، كەلەشەكتە بالىق شارۋاشىلىعىن دامىتۋ قيىنعا سوعادى. ونىڭ ۇستىنە، تابيعي سۋ قويمالارىندا وسىرىلگەن بالىق اۋلاۋ كۆوتاسىن كوتەرۋ دە قيىندىق تۋعىزادى»، دەيدى رۋسلان بالتاەۆ. سوندىقتاناتالعان باسقارما جەكە توعاندا ينتەنسيۆتى بالىق ءوسىرۋ شارۋاشىلىعىن دامىتۋ تاجىريبەسىن قولعا العان. بۇل ءادىستىڭ ەرەكشەلىگى – كاسىپكەر ءوزىنىڭ جەرىنە توعان سالىپ، بالىق وسىرەدى. جەم، شاباق، انالىق بالىق ساتىپ الۋ، قۇرال-جابدىق ساتىپ الۋ مەملەكەت تاراپىنان سۋبسيديالانادى. توعاندى الىپ قويۋ قاۋپى بولمايدى. سونىمەن قاتار، وڭىردە تاۋارلى بالىق ءوسىرۋ كاسىبىن ورىستەتۋ جولعا قويىلۋدا. وبلىس اكىمىنىڭ تاپسىرماسىنا سايكەس، ايماقتاعى وزەندەردىڭ جاعاسىنان بالىق شارۋاشىلىعىن جۇرگىزۋگە قولايلى جەرلەردى انىقتاۋ ماقساتىندا ارنايى توپ قۇرىلعان. جۇمىسشى توپ زەردەلەۋ جۇمىستارىن جۇرگىزىپ، قورداي، شۋ جانە مويىنقۇم اۋداندارى ارقىلى وتكەن شۋ وزەنىنىڭ ارناسىن جانە جامبىل مەن بايزاق اۋداندارى ارقىلى وتكەن تالاس وزەنىنىڭ ارناسىنان توعان جاساۋعا جارامدى 24 جەر ۋچاسكەلەرىن انىقتاعان. قورداي، شۋ جانە مويىنقۇم اۋداندارىنداعى شۋ وزەنىنىڭ بويىندا بارلىعى 119 گەكتاردى قۇرايتىن 13 ۋچاسكە انىقتالعان. مامانداردىڭ ايتۋىنشا، وسى ۋچاسكەلەردە بالىق ءوسىرۋ توعانى جاسالسا، 238 توننا تاۋارلى بالىق وسىرۋگە مۇمكىن بولماق. ال، جامبىل جانە بايزاق اۋداندارىنداعى تالاس وزەنىنىڭ بويىنان 16،6 گەكتار اۋماقتى قۇرايتىن 11 ۋچاسكە الىنىپ، ول جەردە 24،8 توننانى قۇرايتىن تاۋارلى بالىق وسىرۋگە بولادى ەكەن.

 سونداي-اق، وبلىستا تاۋ بوكتەرلەرىندەگى سالقىن سۋلاردا فورەل شارۋاشىلىعىن دامىتۋ بويىنشا قارقىندى جۇمىستار باستالعان. اتالعان بالىق ءتۇرىن وسىرۋگە قولايلى وزەندەردى انىقتايتىن جانە رەزەرۆتىك قورداعى بالىق شارۋاشىلىعى سۋ ايدىندارىنا عىلىمي زەرتتەۋ جۇمىستارعا وبلىستىق بيۋدجەتتەن 29،5 ميلليون تەڭگە ءبولىنىپ، بۇگىنگى كۇنى كونكۋرس جەڭىمپازى «بالىق شارۋاشىلىعى عىلىمي-وندىرىستىك ورتالىعى» جاۋاپكەرشىلىگى شەكتەۋلى سەرىكتەستىگى تانىلعان. بۇل ورتالىق قورداي، مەركى، ت.رىسقۇلوۆ جانە جۋالى اۋداندارىنىڭ تاۋ بوكتەرلەرىندەگى 22 تاۋ وزەندەرىنە جانە 36 بالىق شارۋاشىلىعى سۋ ايدىندارىنا عىلىمي زەرتتەۋ جۇمىستارىن جۇرگىزگەن. زەرتتەۋ ناتيجەسىندە 22 تاۋ وزەنىنىڭ 17-ءسى عانا جارامدى ەكەنى انىقتالعان.

 

جامبىل وبلىسى

 

سوڭعى جاڭالىقتار

ۆاكتسينالاۋ – ماڭىزدى مىندەت

ۇكىمەت • بۇگىن، 08:17

قاراعاندىدا كارانتين كۇشەيتىلدى

ايماقتار • بۇگىن، 08:09

URKER ۇسىنعان ۇزدىكتەر

ونەر • بۇگىن، 07:57

كوروناۆيرۋس باسەڭدەر ەمەس

الەم • بۇگىن، 07:56

كەشىرىم ايى كەلدى

رۋحانيات • بۇگىن، 07:50

بيزنەستە ايەلدەردىڭ ۇلەسى قانداي؟

ەكونوميكا • بۇگىن، 07:38

ءۇشىنشى بەسجىلدىق: مەجە مەن مىندەت

ەكونوميكا • بۇگىن، 07:35

بايراعى بيىك باعزى ونەر

رۋحانيات • بۇگىن، 07:33

ەكى الپاۋىتتىڭ ايقاسى

بوكس • بۇگىن، 07:25

پاۆلوداردا جاعداي كۇردەلەنە ءتۇستى

كوروناۆيرۋس • بۇگىن، 07:21

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار