قازاقستان • 25 قاڭتار، 2021

قازاقستاندا توقىما ءوندىرىسىنىڭ قارقىنى قانداي؟

10 رەت كورسەتىلدى

2020 جىلعى قاڭتار-جەلتوقسان ايلارىنداعى ستاتيستيكالىق دەرەكتەرگە سايكەس، ەلىمىزدىڭ جەڭىل ونەركاسىپ ءوندىرىسى كولەمىندە توقىما ءوندىرىسى نەگىزگى ۇلەستى - 55% الىپ وتىر. اقشالاي العاندا 71 ملرد. تەڭگە. بۇل وتكەن جىلدىڭ سايكەس كەزەڭىنەن 18%-عا جوعارى.

توقىما ءوندىرىسى سەكتورىنداعى ءوسىم ماقتا تالشىعى كولەمىنىڭ 18%، ماقتا-ماتا ماتالارىنىڭ 59%، سينتەتيكالىق جانە جاساندى جىپتەردەن جاسالعان ماتالاردىڭ 85% ارتۋى ەسەبىنەن بولدى.

توقىما وندىرىسىندە نەگىزگى ۇلەستى شىمكەنت قالاسى (25% نەمەسە 17،7 ملرد.تەڭگە) جانە تۇركىستان وبلىسىنا (31% نەمەسە 31 ملرد. تەڭگە) تيەسىلى.

ءداستۇرلى تۇردە ماقتا تۇركىستان وبلىسىندا وسىرىلەدى. تيىسىنشە، ماقتا وڭدەۋ كاسىپورىندارى نەگىزىنەن وسى وڭىردە شوعىرلانعان. سونىمەن قاتار، تابيعي توقىما تالشىقتارى ىشىندە ماقتا تالشىعى - ەلدەگى ءوندىرىس كولەمى بويىنشا ەڭ ۇلكەن توپ.

جەدەل دەرەكتەر بويىنشا، 2020 جىلى ماقتا تالشىعىنىڭ ءوندىرىسى 18% ارتىپ، 74 626 تونناعا جەتتى. وتاندىق كاسىپورىندار شامامەن 10 مىڭ توننانى قايتا وڭدەدى.

2020 جىلدىڭ 11 ايىندا ەكسپورت 51 893 توننا نەمەسە 68،5 ملن. دولل. اقش قۇرادى. ونىمدەر نەگىزىنەن لاتۆيا، تۇركيا جانە قىتاي ەلدەرىنە جەتكىزىلدى.

ماقتا تالشىعىن قايتا وڭدەيتىن وتاندىق كاسىپورىنداردىڭ اقپاراتى بويىنشا 2021 جىلى شامامەن 14-15 مىڭ توننا ماقتا تالشىعىن قايتا وڭدەۋ جوسپارلانىپ وتىر.

مەملەكەت تاراپىنان توقىما ونەركاسىبى كاسىپورىندارىن قولداۋ ءونىم ەكسپورتىن ىلگەرىلەتۋ، ەڭبەك ونىمدىلىگىن ارتتىرۋدى ىنتالاندىرۋ، تاۋارلاردى ىشكى نارىقتا ىلگەرىلەتۋ، «بيزنەستىڭ جول كارتاسى 2020» بيزنەستى قولداۋ مەن دامىتۋدىڭ بىرىڭعاي باعدارلاماسىن ىسكە اسىرۋ سياقتى وڭدەۋشى ونەركاسىپكە باعىتتالعان جۇيەلى شارالار شەڭبەرىندە كورسەتىلەدى. سونداي-اق، «قاراپايىم زاتتار ەكونوميكاسىن» دامىتۋ اياسىندا جەڭىلدەتىلگەن نەسيە بەرۋ قاراستىرىلعان (6%-دان ارتىق ەمەس).

بۇگىندە توقىما ونەركاسىبى سالاسىندا 4 كاسىپورىن جۇمىس ىستەيدى: «اليانس» كۇب (بۇرىن «يۋتەكس» اق، «مەلانج» اق)، «AZALA Textile» جشس، «Azala Cotton» جشس. ولار ماقتا تالشىعىن وزدەرى وڭدەيدى.  

4 توقىما كاسىپورنىنىڭ بىرەۋى ەرەكشە سالىق رەجيمىن، سونداي-اق كوممۋنالدىق قىزمەتتەرگە (گاز، سۋ، ەلەكتر ەنەرگياسى) ءتيىمدى ءتاريفتى پايدالاناتىن «وڭتۇستىك» ارنايى ەكونوميكالىق ايماققا («AZALA Cotton» جشس) اۋماعىندا ورنالاسقان.

قازىرگى ۋاقىتتا مينيسترلىك «اليانس» اق (بۇرىن «يۋتەكس» اق، «مەلانج» اق) جانە «Azala Textile» جشس توقىما كاسىپورىندارىن «وڭتۇستىك» اەا سۋبايماقتارىنا قوسۋ جۇمىستارىن جۇرگىزىپ جاتىر.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار