ايماقتار • 24 قاڭتار، 2021

قۇنسىزدىق قۇلدىڭ تۇبىنە جەتەدى

96 رەت كورسەتىلدى

ساياجايدا بولعان مىنا ۇرلىقتى ەستي باستاعاندا اراققا سالىنعان كەزبەلەردىڭ ءىسى دەپ ويلاپ قالعانبىز.  ويتكەنى ەلۋ كگ-داي بولاتىن شويىن ۆاننا مەن تەمىر كەرەۋەتتى تەمىر قالدىقتارىن جينايتىندارعا سولار وتكىزبەسە باسقا ادام اۋرە بولا قويماس دەپ ويلاعانبىز.

سويتسە، ونى ىستەگەن «Mitsubishi Delica» اۆتوماشيناسى بار قالانىڭ 50 جاستاعى تۇرعىنى بولىپ شىقتى. قانداي قۇنسىزدىق دەسەڭىزشى، ساياجايدى بۇزىپ كىرىپ، ودان زىلدەي تەمىرلەردى جالعىز ءوزى زوردىڭ كۇشىمەن تار ماشينانىڭ ىشىنە ارتقانشا تاكسيست بولىپ كىسى تاسىسا - سول اقشانى تاباتىن ەدى عوي. راس، ول بۇرىن وسىنداي قىلمىسىمەن سوتتالعان ادام ەكەن. بىراق ۇرلىعىن قويعىسى كەلمەگەن. قازىر ۇستىنەن تاعى دا ءىس قوزعالىپ، سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى.

ال ونىڭ ۇستالۋىندا بەينە-باقىلاۋ كامەرالارىنىڭ كومەگى كوپ بولدى. جۇرگەن جولى ءبىر كامەرادان سوڭ ءبىر كامەراعا ءتۇسىپ وتىرىپ، ءىز كەسۋشىلەردى ونىڭ ۇيىنە الىپ كەلگەن.

«بەينەباقىلاۋ – قىلمىستاردىڭ الدىن الۋداعى جانە ولاردى اشۋداعى ەڭ ءتيىمدى قۇرالداردىڭ ءبىرى. پەتروپاۆلدا 2020 جىلدىڭ 1 قاراشاسىنان بۇگىنگى كۇنگە دەيىن ساياجاي ۋچاسكەلەرىندە 6 قىلمىس تىركەلدى. جەلتوقسان ايىندا «نادەجدا» قاۋىمداستىعىنىڭ كۇزەتشىسى قىلمىستىڭ جولىن كەسكەن. قىلمىسكەرلەردى ساياجايدا يەلەرىمەن قالدىرىلعان قۇرال-سايماندار، تۇرمىستىق زاتتار مەن مەتالدان جاسالعان زاتتار قىزىقتىرادى، - دەيدى وبلىس ورتالىعىنداعى پب كريمينالدىق پوليتسيا ءبولىمى باستىعى، پوليتسيا پودپولكوۆنيگى دارحان زيافيددين».

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار