قازاقستان • 22 قاڭتار، 2021

«رۋحاني جاڭعىرۋ» باعدارلاماسىنىڭ جۇزەگە اسىرىلۋى تالقىلاندى

22 رەت كورسەتىلدى

ءال-فارابي اتىنداعى قازاق ۇلتتىق ۋنيۆەرسيتەتىندە اقپارات جانە قوعامدىق دامۋ ءمينيسترى ايدا بالاەۆانىڭ الماتى قالاسىنىڭ جوعارى وقۋ ورىندارىنىڭ رەكتورلارىمەن كەزدەسۋى ءوتتى.

كەزدەسۋ بارىسىندا «رۋحاني جاڭعىرۋ» باعدارلاماسىنىڭ اعىمداعى ناتيجەلەرى، «رۋحاني جاڭعىرۋ» باعدارلاماسىنىڭ ۇلتتىق جاڭعىرۋ كەزەڭىنە كوشۋى بويىنشا جول كارتاسى جوباسى، سونداي-اق قوعامدىق سانانى جاڭعىرتۋ اياسىندا ءبىلىم بەرۋ سالاسىنىڭ وزەكتى ماسەلەلەرى جانە «رۋحاني جاڭعىرۋ» قاعيداتتارىن ءبىلىم بەرۋ پروتسەسىنە ينتەگراتسيالاۋ ماسەلەلەرى تالقىلاندى.

باعدارلامانى جۇزەگە اسىرۋداعى ءبىلىم بەرۋ ينستيتۋتتارىنىڭ ەرەكشە ءرولىن: «بۇگىنگى تاڭدا قازاقستاندىق جوعارى وقۋ ورىندارى ادامي كاپيتالدى قالىپتاستىرۋ سۋبەكتىلەرى رەتىندە كاسىبي مامانداردى عانا ەمەس، سونداي-اق جوعارى رۋحاني قۇندىلىقتارى بار، باسەكەگە قابىلەتتى جانە ساناسى اشىق ازاماتتاردى قالىپتاستىرا وتىرىپ، جاستار اراسىندا قوعامدىق سانانى جاڭعىرتۋدىڭ نەگىزگى درايۆەرلەرى بولىپ تابىلادى»، – دەپ اتاپ ءوتتى ايدا بالاەۆا

باعدارلامانى ىسكە اسىرۋدىڭ ءۇش جىلىندا ونىڭ نەگىزگى باعىتتارى بويىنشا كەشەندى جۇمىس جۇرگىزىلدى. باعدارلامانى باسقارۋ بويىنشا جەرگىلىكتى اتقارۋشى ورگاندار جانە وڭىرلىك جوبالىق كەڭسەلەرمەن جۇمىس جانداندىرىلدى; تالدامالىق جانە ادىستەمەلىك سۇيەمەلدەۋدى قامتاماسىز ەتەتىن قازاقستاندىق قوعامدىق دامۋ ينستيتۋتىنىڭ قىزمەتى جولعا قويىلدى.

جاڭا تاسىلدەر مەن تەتىكتەردى ەنگىزۋدى ەسكەرە وتىرىپ، 2020 جىلعا ارنالعان «رۋحاني جاڭعىرۋ» باعدارلاماسىنىڭ ءىس-شارالار جوسپارى ىسكە اسىرىلدى. جوسپار شەڭبەرىندە 3 نەگىزگى قۇندىلىق باعىتى بويىنشا ءىس-شارالار كوزدەلگەن – «تۇلعالىق دامۋ»، «ۇلتتىق بىرەگەيلىك جانە حالىقارالىق مارتەبەنى ارتتىرۋ»، «مەملەكەتتىڭ، ازاماتتىق قوعامنىڭ جانە جەرگىلىكتى قوعامداستىقتاردىڭ دامۋى».

2020 جىلى باعدارلاما اياسىندا وڭىرلەردە 8 ملن. جۋىق ادامدى قامتي وتىرىپ، 30 000 استام ءىس-شارا وتكىزىلدى. حالىقتىڭ «رۋحاني جاڭعىرۋ» باعدارلاماسىن ىسكە اسىرۋعا قاتىسۋ ۇلەسى 32،8% قۇرادى.

2020 جىلى «تۋعان جەر» ارنايى جوباسى شەڭبەرىندە مەتسەناتتار ەسەبىنەن 537 الەۋمەتتىك ماڭىزى بار 445 نىسان سالىندى جانە قايتا جاڭارتىلدى، 1 231 مەتسەنات نەگىزگى وڭىرلىك ينفراقۇرىلىمدىق وبەكتىلەردى دامىتۋعا 10 ملرد. تەڭگە ينۆەستيتسيا سالدى.

سونداي-اق، وتكەن جىلى تۇلعالىق دامۋعا باعىتتالعان جاڭا 4 ارنايى جوبا ەنگىزىلدى:  «ۇنەم – قوعام قۋاتى»، ء«داستۇر مەن عۇرىپ»، «قۇقىقتىق مادەنيەت» جانە «ەڭبەك – ەلدىڭ مۇراتى».

قازاقستاندىقتاردىڭ قۇندىلىق باعدارلارى جۇيەسىنە پراگماتيكالىق ءومىر سالتىن ەنگىزۋ، حالىقتىڭ قۇقىقتىق مادەنيەتىن قالىپتاستىرۋ، ەڭبەكسۇيگىشتىك، ۇتىمدى مىنەز-ق ۇلىق، داستۇرلەر مەن ادەت-عۇرىپتاردى جاڭعىرتۋ يدەيالارىن قامتيتىن «رۋحاني جاڭعىرۋ» باعدارلاماسىنىڭ جاڭا ارنايى جوبالارىن ىسكە اسىرۋ قوعامنىڭ دامۋىنا جانە قازاقستاندىقتاردىڭ الەۋمەتتىك مىنەز-قۇلقىنىڭ وزگەرۋىنە اكەلەدى.

قۇرامىنا بەلگىلى قوعام قايراتكەرلەرى، عالىمدار، ءتۇرلى قىزمەت سالالارىنداعى ساراپشىلار ەنگىزىلگەن قازىرگى زاماننىڭ وزەكتى تاقىرىپتارىن تالقىلاۋ بويىنشا «ازاماتتىق الاڭ» پىكىرتالاس الاڭىنىڭ وتىرىستارى وتكىزىلۋدە.

سونداي-اق، مينيسترلىكپەن Telegram الەۋمەتتىك جەلىسىندە «رۋحاني جاڭعىرۋ» باعدارلاماسىنىڭ اعىمداعى ناتيجەلەرى مەن «ازاماتتىق الاڭ» پىكىرتالاس الاڭىنىڭ قىزمەتى تۋرالى اقپاراتتىق ارنا ىسكە قوسىلدى، باعدارلامانىڭ «Ruh.kz» رەسمي پورتالىنىڭ جۇمىسى جانداندىرىلدى.

بۇگىنگى تاڭدا «رۋحاني جاڭعىرۋ» باعدارلاماسىنىڭ ۇلتتىق جاڭعىرۋ كەزەڭىنە كوشۋى بويىنشا جول كارتاسى جوباسى ازىرلەنۋدە. جول كارتاسىنىڭ جوسپارلانعان ءىس-شارالارى مەن جوبالارى حالىقتىڭ جاس ەرەكشەلىكتەرىنە سايكەس دايىندالعان.

جوسپارلانعان ءىس-شارالاردى ءتيىمدى ىسكە اسىرۋ ءۇشىن ناقتى ۇسىنىمدار ازىرلەنەدى جانە جۇمىستا پايدالانۋ ءۇشىن مەملەكەتتىك ورگاندارعا جىبەرىلەدى.

بۇگىندە «رۋحاني جاڭعىرۋ» باعدارلاماسى – ادامي  كاپيتالدى دامىتۋدىڭ نەگىزگى تۇجىرىمداماسى جانە قوعام ءۇشىن جاڭا يدەولوگيالىق كۇن ءتارتىبىن قۇرۋ تەتىگى.

قازىرگى زامانعى تاۋەكەلدەر مەن جاھاندانۋ جاعدايىندا رۋحاني قۇندىلىقتاردىڭ جاندانۋى، ادامنىڭ باسەكەگە قابىلەتتىلىگىن ارتتىرۋ، پراگماتيزمدى دامىتۋ، ۇلتتىق بىرەگەيلىكتى ساقتاۋ، ازاماتتاردىڭ ءبىلىمى مەن سانانىڭ اشىقتىعىن ناسيحاتتاۋ قازاقستاندىقتاردىڭ بولاشاقتاعى نەگىزگى باعدارلارى بولىپ تابىلادى. 

 

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار