كەلىنشەك بالاسىن ەسىنەن تانعانشا ۇرىپ, ارتىنان ءوزى جەدەل جاردەم شاقىرتقان. دەنەسىنىڭ ساۋ جەرى قالماعان قارشاداي قىز قازىر جانساقتاۋ بولىمىندە جاتىر. اناسىنىڭ نە سەبەپتى مۇنداي ارەكەتكە بارعانى ازىرگە بەلگىسىز. الدىمەن ول ءۇش جاسار بالاسىن كەرەۋەتىنەن قۇلاتىپ, ەسىنەن تانىپ قالعاندا عانا جەدەل جاردەم شاقىرتقان. قازىر ءزابىر كورگەن قىزدىڭ جاعدايى اۋىر, جان ساقتاۋ بولىمىندە جاتىر. بالانىڭ مۇشكىل ءحالىن كورگەن دارىگەرلەر بىردەن پوليتسياعا حابارلاعان.
«قر قىلمىستىق كودەكسىنىڭ 106-بابى 2-بولىگى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر. قىلمىستىق ءىس شەڭبەرىندە تەرگەۋ ارەكەتتەرى جۇرگىزىلىپ, قاجەتتى بىرقاتار ساراپتامالار تاعايىندالدى. قازىر 22 جاستاعى قالا تۇرعىنى پەتروپاۆل قالاسىنداعى پوليتسيا باسقارماسىنىڭ ۋاقىتشا ۇستاۋ يزولياتورىنا قامالدى», دەدى وبلىستىق پد باسقارما باسشىسىنىڭ ورىنباسارى ازات قۇسايىنوۆ.
