ايماقتار • 22 قاڭتار، 2021

الماتىدا «التاي»، «ساپار»، «اقبۇلاق» بازارلارىن جاڭارتۋ جوسپارلانۋدا

15 رەت كورسەتىلدى

اۋداننىڭ ەكونوميكالىق دامۋ كورسەتكىشىنىڭ نەگىزى ونەركاسىپ ءوندىرىسىنىڭ كولەمىن ارتتىرۋ مەن نەگىزگى كاپيتالعا ينۆەستيتسيانى سالۋ بولىپ تابلادى. پاندەميا جاعدايىنا قاراماستان تۇركسىب اۋدانى ەداۋىر كورسەتكىشتەرگە قول جەتكىزگەن.   

اۋدان اكىمى باقىتجان اقجاروۆتىڭ ايتۋىنشا، ونەركاسىپ ءوندىرىسىنىڭ كولەمى وتكەن جىلدىڭ 12 ايى ىشىندە 215  ملرد. تەڭگەنى قۇرادى (2019 جىلدىڭ 12 ايىندا – 184،4 ملرد. تەڭگە). جكي – 105،7%. نەگىزگى كاپيتالداعى ينۆەستيتسيانىڭ كولەمى  – 81،5 ملرد. تەڭگە  نەمەسە 113،2 % (2019 جىلدىڭ 12 ايىندا  – 68،1 ملرد. تەڭگە). قۇرىلىس جۇمىستارىنىڭ كولەمى – 26،5 ملرد. تەڭگە نەمەسە 138 % (2019 جىلدىڭ 12 ايىندا  – 16،8  ملرد. تەڭگە).

104،1  مىڭ شارشى مەترلىك تۇرعىن ءۇي پايدالانۋعا ەنگىزىلدى (2019 جىلدىڭ 12 ايىندا  – 108،7  مىڭ شارشى مەتر ). 96 ملرد. تەڭگە سالىق جينالىپ، ءوسىم قارقىنى وتكەن جىلمەن سالىستىرعاندا 101% قۇراعان. سالىق جيناۋ بويىنشا جوسپار 107% ورىندالدى.    

بيىلعى جىلى 139،1 مىڭ. م2 نەمەسە  42 كتۇ (كوپ قاباتتى تۇرعىن ءۇي) (1967 پاتەر) پايدالانۋعا ەنگىزۋ جوسپارلانۋدا، جتق (جەكە تۇرعىن ءۇي قۇرىلىسى) بولجامى 30 مىڭ مەترگە جۋىق.    

ساۋدا ورىندارىنا زاماناۋي فورماتىن ەنگىزۋ اياسىندا 9 بازاردىڭ 5-ۋىنە جاڭارتۋ جۇمىستارى جۇرگىزىلدى («تۇركسىب» جارمەڭكەسى، «مەحرەنيسا»، «جەتىسۋ سەميرەچە»، ء«ۇميت»، «باحار»)،  كەرۋەن بازارىن جاڭارتۋ جۇمىستارى اياقتالۋدا. 2022 جىلدىڭ سوڭىنا دەيىن  التاي، ساپار، اقبۇلاق بازارلارىن جاڭارتۋ جوسپارلانۋدا. 

كارانتين رەجيمىن ەنگىزۋىنە بايلانىستى بيزنەستى جانە ونەركاسىپتى قولداۋ ءۇشىن مەملەكەتتىك كەشەندىك شارالار ازىرلەندى. اپپارات قىزمەتكەرلەرىمەن اپتا سايىن كاسىپكەرلەرگە ارنالعان مەملەكەتتىك جەڭىلدىكپەن نەسيەلەۋ جانە قارجىلىق ەمەس قولداۋ باعدارلاماسى بويىنشا تۇسىنىك بەرۋ جانە تانىستىرۋ ءۇشىن كاسىپكەرلىك جانە ينۆەستيتسيا باسقارماسىنىڭ، «Qolday» قولداۋ ورتالىعى، «دامۋ» قورى، «اتامەكەن» رپپ، «Almaty finance»، «Almaty MFO» شاعىن قارجى ۇيىمىنىڭ وكىلدەرىنىڭ قاتىسۋىمەن كەزدەسۋلەر جانە سەمينارلار ۇيىمداستىرىلىپ وتىرادى. وتكەن جىلى 6،9 ملرد. تەڭگە  سوماسىنا 17 جوباعا قولداۋ شاراسى كورسەتىلگەن.

 

الماتى

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار