ارىستاندى ىزدەۋگە شىمكەنت قالاسى پد جەرگىگىلىكتى پوليتسيا قىزمەتى باسقارماسى جانە ءال-فارابي اۋدانى پوليتسيا باسقارماسىنىڭ قىزمەتكەرلەرى جۇمىلدىرىلدى. ءتارتىپ ساقشىلارى جاقىن ماڭداعى اۋماقتاردى ارالاپ, ونىڭ ءجۇرۋى مۇمكىن بارلىق جەرلەردى تەكسەردى, تۇرعىنداردان سۇراستىردى. سونداي-اق جەرگىلىكتى تۇرعىندار دا پوليتسياعا جان-جاقتى كومەك كورسەتتى.
21 قاڭتاردا بىرلەسكەن ءىس-ارەكەتتەردىڭ ناتيجەسىندە شىمكەنت قالاسى پد ءال-فارابي اۋدانىنىڭ پوليتسيا باسقارماسىنىڭ قىزمەتكەرلەرى ارىستاننىڭ جۇرگەن جەرىن انىقتاپ, حايۋاناتتار باعىنىڭ قىزمەتكەرلەرىنە تاپسىردى.
ەستەرىڭىزگە سالساق, 2021 جىلدىڭ 19 قاڭتارىندا “Instagram” الەۋمەتتىك جەلىسىندەگى پاراقشالاردىڭ بىرىندە ازاماتتاردىڭ قوناق ۇيدە ارىستان كورگەنى تۋرالى بەينەجازبا جاريالانعان بولاتىن. 20 قاڭتاردا شىمكەنت قالاسىنىڭ پد ءال-فارابي اۋدانىنىڭ پب قىزمەتكەرلەرى اتالعان جايت بويىنشا قر قىلمىستىق كودەكسىنىڭ 339-بابىمەن (وسiمدiكتەردىڭ نەمەسە جانۋارلاردىڭ سيرەك كەزدەسەتiن جانە قۇرىپ كەتۋ قاۋپi تونگەن, سونداي-اق پايدالانۋعا تىيىم سالىنعان تۇرلەرىمەن, ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ) سوتقا دەيىنگى تەرگەپ-تەكسەرۋدى باستادى. قازىرگى تاڭدا وقيعانىڭ ءمان-جايى انىقتالۋدا.
