ايماقتار • 22 قاڭتار، 2021

ەرالى توعجانوۆ قورداي اۋدانىنداعى جۇمىس بارىسىمەن تانىستى

21 رەت كورسەتىلدى

قازاقستان رەسپۋبليكاسى پرەمەر-ءمينيسترىنىڭ ورىنباسارى ەرالى توعجانوۆ باستاعان ۇكىمەتتىك دەلەگاتسيا جۇمىس ساپارىمەن جامبىل وبلىسىندا بولدى. وڭىرگە ساپارى بارىسىندا قورداي اۋدانىنا بارعان ۇكىمەت باسشىسىنىڭ ورىنباسارى اۋەلى گۆاردەيسكي اۋىلىنداعى بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتى جانىنداعى بيوفارماتسەۆتيكالىق زاۋىتتىڭ قۇرىلىس بارىسىمەن تانىستى.

قورداي اۋدانىنىڭ گۆاردەيسكي اۋىلىندا ورنالاسقان بۇل زاۋىت الەۋمەتتىك ماڭىزى بار جۇقپالى اۋرۋلارعا قارسى ەلگە قاجەتتى بيوپرەپاراتتار شىعاراتىن بولادى. اتالعان ءوندىرىس ورنىندا COVID-19، پاندەميالىق تۇماۋ، ماۋسىمدىق تۇماۋعا قارسى سپليت-ۆاكتسينالار، تۋبەركۋلەز، برۋتسەللەز، نودۋليارلىق دەرماتيت، كۇيىس قايىراتىن ۇساق جانۋارلاردىڭ وباسى، قوي مەن ەشكىنىڭ كونتاگيوزدى ەكتيماسى، قوي شەشەگى، قۇتىرۋعا قارسى ۆاكتسينالار جانە باسقا دا پرەپاراتتار دايىندالادى.

زاۋىتتىڭ تىنىس-تىرشىلىگىمەن تانىسقان ەرالى توعجانوۆ قۇرىلىستىڭ تەحنولوگيالىق ۇدەرىسى مەن ءوندىرىس جاعدايلارىنىڭ ودان ءارى GMP ستاندارتتارىنا سايكەستىگىن ەسكەرە وتىرىپ، جۇرگىزىلۋىنە نازار اۋدارۋدى تاپسىردى. سونداي-اق، ۆيتسە-پرەمەر مەردىگەر كومپانيالاردىڭ عىلىمي-زەرتتەۋ ينستيتۋتى، دەنساۋلىق ساقتاۋ، ءبىلىم جانە عىلىم مينيسترلىكتەرىنىڭ باسشىلىعىمەن تىعىز قارىم-قاتىناستا جۇمىس جاساۋ كەرەكتىگىن ايتتى. سونىمەن قاتار، ەرالى لۇقپان ۇلى قۇرىلىس الاڭىنىڭ اۋماعىنداعى جوبامەن جانە زاۋىت تۋرالى نەگىزگى وندىرىستىك، تەحنولوگيالىق مالىمەتتەرمەن تانىستى. وندىرىستىك پروتسەستىڭ ماكەتى مەن سحەماسىن قاراپ شىقتى.

كەزدەسۋ بارىسىندا ەرالى توعجانوۆقا مونتاجداۋ جۇمىستارىن اياقتاۋ جانە ىسكە قوسۋ اعىمداعى جىلعى ناۋرىز ايىنا جوسپارلانىپ وتىرعانى تۋرالى مالىمەت بەرىلدى. قازىرگى كەزدە قوسالقى عيماراتتار مەن قۇرىلىستاردىڭ، قازاندىق، ترانسفورماتور جانە سورعى ستانتسيالارىنىڭ، حلورلاۋ، سونداي-اق، ەنەرگەتيكالىق نىسانداردىڭ قۇرىلىسى اياقتالعان. بۇدان كەيىن ۇكىمەتتىك دەلەگاتسيا بيولوگيالىق قاۋىپسىزدىك ماسەلەلەرى ينستيتۋتىنا باردى. اتالعان ينستيتۋت 1958 جىلدان بەرى جۇمىس ىستەپ كەلەدى ەكەن. بۇگىندە مۇندا 214 ادام ەڭبەك ەتەدى. كەزدەسۋ بارىسىندا عىلىمي مەكەمەنىڭ باسشىسى، بيولوگيا عىلىمدارىنىڭ دوكتورى كۇنسۇلۋ زاكاريا ينستيتۋتتىڭ قىزمەتى مەن جەتىستىكتەرى، سونداي-اق COVID-19 ۆاكتسيناسىن ازىرلەۋ بويىنشا عىلىمي زەرتتەۋلەردىڭ ناتيجەلەرى تۋرالى ايتتى.

سونداي-اق، پرەمەر-ءمينيستردىڭ ورىنباسارى ەرالى توعجانوۆ عىلىمي-زەرتتەۋ ينستيتۋتىنىڭ قىزمەتكەرلەرىنە ارنالعان  60 پاتەرلى كوپقاباتتى ءۇيدىڭ قۇرىلىسىمەن تانىستى. بۇگىندە مۇندا ارلەۋ جۇمىستارى، قاسبەتى پەن شاتىرىن جوندەۋ جۇمىستارى جۇرگىزىلۋدە. ءۇشىنشى جايلىلىق كلاسىنداعى پاتەرلەردىڭ جالپى اۋدانى 3،6 مىڭ شارشى مەتردى قۇرايدى. ال، جاقىن ماڭدا تاعى ەكى تۇرعىن ءۇي مەن دەنە شىنىقتىرۋ-ساۋىقتىرۋ عيماراتىنىڭ قۇرىلىسى جوسپارلانعان. سونىمەن قاتار، سپورتتىق نىساننىڭ ەكىنشى قاباتىندا 150 ورىندى اكت زالى ورنالاساتىن بولادى. سونداي-اق، ەرالى توعجانوۆ باستاعان ۇكىمەتتىك دەلەگاتسيا قورداي اۋدانى، وتار اۋىلىنداعى سپورتتىق-ساۋىقتىرۋ كەشەنى مەن جاڭا اۆتوماتتاندىرىلعان گاز تاراتۋ ستانتسياسىنا دا بارىپ، ولاردىڭ جاي-كۇيىمەن تانىستى.

 

جامبىل وبلىسى

سوڭعى جاڭالىقتار

ەكونوميكا دامۋ جولاعىنا شىقتى

ەكونوميكا • بۇگىن، 07:58

تۇركىستاننىڭ جاڭا ءداۋىرى

قوعام • بۇگىن، 07:55

ۇقساس جاڭالىقتار