قوعام • 22 قاڭتار، 2021

جۇرت پىكىرىن جەتە ەسكەرەدى

52 رەت كورسەتىلدى

پرەزيدەنت قاسىم-جومارت توقاەۆ حالىققا ارنا­عان العاشقى جولدا­ۋىن­دا «حالىق ۇنىنە قۇلاق اساتىن مەملەكەت» تۇجى­رىم­داماسىن ەنگىزىپ، مەم­لە­­كەتتىك ورگانداردىڭ جۇرت­شىلىقتىڭ ۇسىنىس­تا­رى مەن پىكىرلەرىنە، ءتۇرلى سىن مەن شاعىمعا قۇلاق اسىپ، ولاردىڭ ءتيىمدى جولدار­مەن شەشىلۋىن قادا­عا­لاپ وتىرۋدى تاپسىرعان بولاتىن.

«سوندىقتان ازاماتتىق قوعامعا قولداۋ كورسەتىپ، ونىڭ الەۋەتىن نىعايتا ءتۇسۋ كەرەك. سونداي-اق اسا ما­ڭىز­دى جالپى مەملە­كەت­تىك مىندەتتەردى شەشۋ ءۇشىن تالقىلاۋ جۇمىستارىنا ازا­ماتتىق قوعامنىڭ مۇم­كىن­دىك­تەرىن كەڭىنەن قولدانۋ قاجەت»، دەگەن ەدى مەملەكەت باس­شىسى. ودان كەيىن ءوزىنىڭ «اباي جانە ءححى عاسىرداعى قازاقستان» ماقالاسىندا دا اتالمىش تۇجىرىمدامانىڭ ورىندالۋىنىڭ ماڭىز­دى­لى­عىنا تەرەڭ ءمان بەرگەن. ماقالادا «سىبىردان باسقا سىرى جوق، شارۋاعا قىرى جوق»، دەپ اباي ايتقان زامانداستارىمىز كوبەيمەس ءۇشىن بيلىك حالىققا ءاردايىم قۇلاق ءتۇرىپ وتىرعانى ءجون» دە­لىنگەن ەدى.

بارلىق مەملەكەتتىك ورگان وسى تالاپتى قاتاڭ ساق­تاپ، ونىڭ ورىندالۋىنا قاتتى ءمان بەرىپ وتىرسا، ازاماتتىق قوعامنىڭ دا الەۋەتى ارتا تۇ­سەر ەدى. سولتۇستىك قازاقستان وب­لىستىق ىشكى ىستەر دەپار­تا­مەن­تىنىڭ باستىعى، پوليتسيا پولكوۆنيگى مارات تولەباەۆ وتكەن جىلى 3 169 جازباشا وتىنىشكە جاۋاپ بەرىپتى. ولار­دىڭ ءبارى، ارينە، ارىز-شاعىم ەمەس. اراسىندا پوليتسيا قىزمەتىن جەتىلدىرۋ جونىندەگى ۇسىنىس-پىكىرلەر دە كوپ. سونىڭ ىشىندە سەرۆيستىك پوليتسيا جۇمىسىن جەتىلدىرۋ بويىنشا كوپتەگەن ۇسىنىس تۇسكەن. مىسالى، سوتقا دەيىنگى تەر­گەپ-تەكسەرۋدى ءادىل وتكىزۋ، مەم­لەكەتتىك قىزمەتتەردى سا­پا­لى كورسەتۋ، حالىققا كو­مەك كورسەتۋ، وتىنىشتەرگە ۋاق­­تى­لى جاۋاپ بەرۋ سياقتى ماسەلەلەر كوتەرىلگەن. پولي­تسەي­لەردىڭ وسىنداي ماڭىزدى قاعي­دات­تاردى تولىق ساقتا­ماي­تىندىعى جەكە قابىل­داۋ­لار بارىسىندا دا كوپ ايتىلعان.

وبلىستىق پوليتسيا دە­پار­تا­مەنتىنىڭ باستىعى اي­تىلعان ۇسى­نىستار مەن پىكىر­لەردى زەرت­تەپ، ولار تۋرالى ناقتى ۇسىنىس جاساۋدى ءتيىستى قىز­مەت­تەرگە جۇكتەگەن. «ەلى­مىزدىڭ پرەزيدەنتى ءوز جولداۋىندا ادامدارمەن اشىق ديالوگ جۇرگىزۋدىڭ ماڭىزدى ەكەندىگىن باسا ايتتى. بۇگىن وسىنداي ديالوگ الاڭدارىن ءبىز ۆەدومستۆو قابىرعاسىندا عانا وتكىزۋمەن شەكتەلمەيمىز. قولدانىستاعى ينتەرنەت-پلاتفورمالار مەن باسقا دا ەلەكتروندى رەسۋرس­تار مۇنداي ديالوگتارعا جە­دەل­دىك پەن اشىقتىق بە­رە­دى. ازاماتتاردان كەلىپ تۇسكەن وتىنىشتەردىڭ تولىق ءارى جان-جاقتى زەردەلەنىپ، ۋاقتىلى جانە ساپالى قارالۋى – جەكە باقىلاۋىمدا»، دەيدى مارات تولەباەۆ.

سونداي-اق سولتۇستىك­قازاق­ستاندىقتار ىشكى ىستەر ورگان­دارىنا قاتىستى وتى­نىش­­تە­رىن الەۋمەتتىك جەلى ارقىلى جولداپ، جاۋاپ الۋدا. ال پو­ليتسيا دەپار­تا­مەنتىنىڭ باس­تىعى جۋىردا ازاماتتاردى كەزەكتى قابىل­داۋىن وتكىزدى. سەگىز ازامات مارات تولە­باەۆ­پەن ونلاين-ديالوگ­قا شىقتى. ولاردىڭ باسىم بولىگى قىل­مىس­تىق ىستەردى تەرگەۋ ماسە­لە­لەرى بويىنشا جۇگىندى. پوليتسيا قاتارىندا قىزمەت ەتۋگە نيەت بىلدىرگەن ءوڭىردىڭ ءۇش تۇرعىنى جۇمىسقا ورنالاسۋ جايلى سۇرادى. جاۋاپ بەرۋ بارىسىندا ۆەدومستۆو باسشىسى بۇگىنگى تاڭدا پوليتسيا قىزمەتكەرلەرىنە قويى­لا­تىن بيىك تالاپتارعا باسا نازار اۋداردى.

قىزىلجار ءوڭىرىنىڭ باس پو­ليتسەيى ازاماتتاردى ءار اپ­تا­نىڭ سارسەنبى كۇنى قابىل­داي­دى. قابىلداۋ ونلاين رەجىمدە جۇرگىزىلەدى.

 

سولتۇستىك قازاقستان وبلىسى

 

سوڭعى جاڭالىقتار

العا باسقان ازاماتتىق قوعام

قازاقستان • بۇگىن، 08:26

ماقتانىشىم مەن ساعىنىشىم

قازاقستان • بۇگىن، 08:15

جاقسىلىققا جەتەلەگەن جوبا

قوعام • بۇگىن، 08:10

تاريحي ماڭىزى زور شەشىم

قازاقستان • بۇگىن، 08:06

ەرىكتىلەردىڭ ەلەۋلى ءىسى

قوعام • بۇگىن، 08:05

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار