ايماقتار • 22 قاڭتار، 2021

«سارى ايماق» سالعان الەك

16 رەت كورسەتىلدى

قاراعاندى وبلىسىنىڭ بارلىق اۋماعىندا 23 قاڭتاردان باستاپ كارانتيندىك شەكتەۋلەر كۇشەيتىلەتىن بولدى. بۇل تۋرالى كەنشىلەر قالاسىندا وتكەن بريفينگتە ءوڭىردىڭ باس مەملەكەتتىك سانيتارلىق دارىگەرى يۋري زالىگين مالىمدەدى.

– وسى جىلدىڭ قاڭتار ايىندا وڭىردە كوروناۆيرۋس ينفەكتسياسىمەن سىرقاتتانۋشىلىقتىڭ 44%-عا نەمەسە وتكەن ايدىڭ سايكەس كەزەڭىمەن سالىستىرعاندا 1،4 ەسە ءوسۋى بايقالادى. 18 قاڭتاردان باستاپ قاراعاندى وبلىسى «سارى ايماققا» ەندى. وسىعان بايلانىستى بىرقاتار شەكتەۋ شارالارىن ەنگىزۋ تۋرالى شەشىم قابىلداندى، – دەپ اتاپ ءوتتى ول.

ناقتىراق ايتقاندا، اتالعان كۇننەن باستاپ وبلىس­تاعى اۋدا­­نى 2 مىڭ شارشى مەتردەن اساتىن ساۋدا ورتالىقتارىنىڭ جۇمىس ىستەۋىنە تىيىم سالىنادى، دەمالىس كۇندەرى قالاارالىق اۆتوبۋستاردىڭ قوزعالىسى توقتاتىلدى.

سونداي-اق حالىققا قىزمەت كورسەتۋ ورتالىقتارىنىڭ، بانكتەردىڭ جانە «قازپوشتا» بولىمشەلەرى الدىن الا جازىلۋ بويىنشا جۇمىس ىستەپ، جۇمىس كۇنىن 18.00-گە دەيىن قىسقارتادى. بۇل جەرلەردە الەۋمەتتىك قاشىقتىق، ماسكا رەجىمى، تەرمومەتريا ساقتالىپ، سانيتارلىق-دەزينفەكتسيالىق ءتارتىپ تالاپتارى كۇشەيتىلەدى. ال 15 جانە ودان دا كوپ قىزمەتكەرلەرى بار ۇيىمدار مەن مەكەمەلەر شتاتىنىڭ 60%-ى قاشىقتان جۇمىس ىستەيتىن بولادى.

مادەنيەت نىساندارى مەن كينوتەاترلار قىزمەتى تولىمدىلىعى 20%-دان اسپايتىن جاعدايدا عانا جۇمىس ىستەۋگە قۇقىلى. قوعامدىق تاماقتاندىرۋ ورىندارىنىڭ مەرەكە جانە دەمالىس كۇندەرى جۇمىس ىستەۋ رەجىمى ساعات 07.00-دەن 22.00-گە دەيىن شەكتەلەدى. ونداعى كەلۋشىلەرگە تولتىرىلۋ 50%-دان اسپاۋى ءتيىس. ال تاماقتى وزىمەن الىپ كەتۋ جانە جەتكىزۋ ۋاقىتى شەكتەلمەيدى. سونىمەن قاتار جۇمىس كۇندەرى ساۋنالار، مونشالار، سپا جانە ماسساج سالوندارى 09.00-دەن 20.00-گە دەيىن جۇمىس ىستەيتىن بولادى.

سودان سوڭ جاسى 65-تەن اسقان ەگدە ادامدارعا اسا قا­جەتتىلىگى بولماسا، ۇيدەن شىعۋدان تارتىنا تۇرۋ ۇسى­نىل­عان.

بريفينگتىڭ سوڭىندا ءوڭىردىڭ باس مەملەكەتتىك سانيتارلىق دارىگەرى ماسكا رەجىمى قاتاڭ ساقتالسا اۋرۋدىڭ الدىن الۋ مۇمكىندىگىن ەكى، ءتىپتى ءۇش ەسەگە دەيىن ارتتىراتىنىن ەسكە سالدى. «كوروناۆيرۋس كەسەلىنىڭ الدىن الۋ كوبىنەسە وزىمىزگە بايلانىستى»، دەپ ءتۇيدى ءسوزىن يۋ.زالىگين.

 

قاراعاندى وبلىسى

 

سوڭعى جاڭالىقتار

العا باسقان ازاماتتىق قوعام

قازاقستان • بۇگىن، 08:26

ماقتانىشىم مەن ساعىنىشىم

قازاقستان • بۇگىن، 08:15

جاقسىلىققا جەتەلەگەن جوبا

قوعام • بۇگىن، 08:10

تاريحي ماڭىزى زور شەشىم

قازاقستان • بۇگىن، 08:06

ەرىكتىلەردىڭ ەلەۋلى ءىسى

قوعام • بۇگىن، 08:05

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار