اسىرەسە ونداعى «...ءبىزدىڭ ەلدەرىمىزدىڭ اراسىنداعى ءوزارا ساۋدادا ساقتالىپ وتىرعان كەدەرگىلەردى جويۋ داۋسىز باسىمدىق بولىپ تابىلادى. بيزنەستىڭ ۇكىمەتتەر مەن ەۋرازيالىق ەكونوميكالىق كوميسسيادان باتىل ءىس-قيمىلدى كۇتۋى ءəدىل. ەۋرازيالىق ەكونوميكالىق كوميسسيانىڭ الدىندا بارلىق ساۋدا كەدەرگىلەرىن بەلسەندى دە ترانسپارەنتتى تۇردە جويۋ جəنە جاڭالارىن بولدىرماۋ, تاۋارلاردىڭ, قىزمەتتەردىڭ, كاپيتال مەن جۇمىس كۇشىنىڭ ەركىن قوزعالىسىنداعى الىپ قويۋ مەن شەكتەۋلەردى بارىنشا قىسقارتۋدى قامتاماسىز ەتۋ مىندەتى تۇر. مونيتورينگ پەن تالداۋ ورتالىق, وڭىرلىك جəنە مۋنيتسيپيالدىق دەڭگەيلەردەگى ساۋدا كەدەرگىلەرىن تۇگەل قامتۋعا ءتيىستى. ءبىرىنشى كەزەكتە, كۇش-جىگەردى ءوزارا ساۋداعا مەيلىنشە تەرىس əسەر ەتەتىن كەدەرگىلەرگە شوعىرلاندىرعان ءجون. يمپورت الماستىرۋ جونىندەگى ۇلتتىق باعدارلامالار, نارىقتى ءوز ونىمدەرىمەن تولىقتىرۋ مىندەتتەرى وداقتىڭ قۇقىقتىق نورمالارىن مۇلتىكسىز ساقتاي وتىرىپ جۇزەگە اسىرىلۋعا ءتيىس» دەگەن تالاپتار كاسىپكەرلەردىڭ ويلارىنان شىعىپ وتىر.
«مەن پرەزيدەنتتىڭ ۇندەۋىندە كوتەرىلگەن ماسەلەلەردى قولدايمىن. وعان ءتىپتى قۋانىشتى ەكەنىمدى ايتقىم كەلەدى. ەندى ەۋرازيالىق ەكونوميكالىق كوميسسيا ءبىزدىڭ ەلدەرىمىزدىڭ اراسىنداعى ساۋدادا قولدان جاسالاتىن, اشىق باسەكەلەستىككە كەدەرگى كەلتىرەتىن اياقتان شالۋشىلىقتاردى بولدىرمايتىن شىعار. ونداي بوگەسىندەر اسىرەسە رەسەي تاراپىنان جاسالىپ كەلدى. سوندىقتان ەۋرازيالىق ەكونوميكالىق كوميسسيا وسى ەلدەگى ايتىلعان باعىتتاعى جۇمىسىن جانداندىرۋعا ءتيىستى دەگەن ءۇمىتىمىز بار», دەيدى «لەونتەۆ» جشس باس ديرەكتورى سەرگەي لەونتەۆ. ونىڭ فيرماسى پەتروپاۆلدا جيھاز جاساۋمەن اينالىسادى. رەسەي نارىعىنا ەكسپورتقا شىعارىلاتىن ساپالى جيھازدارىنا ءتۇرلى, جاساندى كەدەرگىلەر كەلتىرىلەدى ەكەن. سونىڭ ىشىندە قوسىمشا قۇن سالىعى ەكى ەلدە دە سالىناتىنى جۇمىسىن تەجەپ كەلىپتى. وكىنىشكە قاراي, قازىرگى ىندەتتىڭ كەسىرىنەن فيرماسىنىڭ جۇمىسى اقساپ تۇر.
ساپاسى جوعارى ازىق-ت ۇلىك ونىمدەرىن شىعاراتىن «زەنچەنكو ي ك» كوممانديتتىك سەرىكتەستىگىنىڭ باس ديرەكتورى گەننادي زەنچەنكو دا ءوزىنىڭ پرەزيدەنتتىڭ ۇندەۋىنە ريزا بولعانىن جەتكىزدى. ونىڭ كاسىپورىندارىندا جاسالعان استىق, ەت, ءسۇت ونىمدەرى قازاقستاننىڭ بارلىق ءىرى قالاسىنا شىعارىلادى. 1997 جىلدان بەرى نارىقتىڭ تالاي قيىندىعىنا يلىكپەي, تەك دامۋمەن كەلە جاتقان كومپانيانىڭ اسىرەسە ءسۇت ونىمدەرى قانداي باسەكەلەستىككە بولسىن توتەپ بەرە الاتىنداي جوعارى ساپالى. الايدا ولاردى رەسەي نارىعىنا شىعارۋدا ونداعى باسەكەلەستەر ءبىرشاما جاساندى كەدەرگىلەر تۋدىرىپ, ءبىر كەزدە ۇلكەن داۋ دا تۋعان ەدى. سونى ەسىنە العان كاسىپكەر ەندى ەاەو-نىڭ جاڭا توراعاسىنىڭ ۇندەۋىنە ۇلكەن ءۇمىت ارتىپ وتىر.
سولتۇستىك قازاقستان وبلىسى
