ايماقتار • 21 قاڭتار، 2021

«الماتى – ادالدىق الاڭى» جوبالىق كەڭسەسى تۋرالى تالقىلاندى

19 رەت كورسەتىلدى

الماتى قالاسى اكىمىنىڭ ورىنباسارى ەرجان باباقۇماروۆ جانە الماتى قالاسى بويىنشا سىبايلاس جەمقورلىققا قارسى ءىس-قيمىل دەپارتامەنتى باسشىسىنىڭ ءبىرىنشى ورىنباسارى دانيار تاۋمۇرات «الماتى-ادالدىق الاڭى» جوبالىق كەڭسەسى قىزمەتىنىڭ ماسەلەلەرى بويىنشا كەڭەس وتكىزدى، دەپ حابارلايدى Egemen.kz

الماتىدا بۇل جوبا ەكى جىلدان استام ۋاقىتتان بەرى جۇزەگە اسىرىلىپ كەلەدى. باستى ماقسات – سىبايلاس جەمقورلىققا قاتىستى قۇقىق بۇزۋشىلىق دەڭگەيىن قىسقارتۋ، سىبايلاس جەمقورلىقتى جالپى قابىلداماۋدى قالىپتاستىرۋ، ادامگەرشىلىك قاعيداتتارىن بەلسەندى دارىپتەۋ.

كەڭەس بارىسىندا جۇرگىزىلگەن جۇمىس قورىتىندىلارى قارالىپ، اعىمداعى جىلعا ناقتى باعىتتار بەلگىلەندى. سىبايلاس جەمقورلىق كورىنىستەرىنە بەلسەندى قارسى ءىس-قيمىلمەن قاتار، ادالدىق پەن جاۋاپكەرشىلىكتى، مەملەكەتتىك قىزمەت پەن جالپى قوعامدا پاراساتتىلىق قاعيداتتارىن ناسيحاتتاۋعا باسا نازار اۋدارىلادى. الماتى قالاسىنىڭ بارلىق اۋداندارىندا اۋماقتىق فيليالدار اشىلدى. «قوعامدا سىبايلاس جەمقورلىققا قارسى مادەنيەتتى قالىپتاستىرۋ جانە نىعايتۋ ماسەلەلەرى بويىنشا ءوزارا ءىس-قيمىل جانە ىنتىماقتاستىق تۋرالى كەلىسىم» 34 قاتىسۋشىمەن (مەملەكەتتىك ورگاندار، قوعامدىق ۇيىمدار) جاسالدى.

ماڭىزدى جوبالار قاتارىندا ە-پيك – الماتى قالاسىندا 836 پيك-نەن 694 پيك (83 %) ەلەكتروندىق-تسيفرلىق فورماتتا جۇمىس ىستەيدى.

ميب-تەگى ترانسفورماتسياعا بايلانىستى ءوزارا ءىس-قيمىلدىڭ جاڭا جۇيەسى پىسىقتالۋدا.
«ادال جول» – الماتى مەتروپوليتەنى جولاۋشىلارىنىڭ «المالى» جانە «اباي» ستانتسيالارىندا كەدەرگىسىز وزىنە-ءوزى قىزمەت كورسەتۋى 1،5 جىل ىشىندە جول ءجۇرۋ تالاپتارىن بۇزۋ دەڭگەيى شامامەن 0،04%-دى قۇرادى%.
«ادال بول» – سۋپەرماركەتتەردە تاۋارلاردى ساتۋشىنىڭ قاتىسۋىنسىز ساتۋدىڭ جاڭا تسيفرلىق ءتاسىلى 1،5 جىل ىشىندە ساتىپ الۋشىلاردان 36 مىڭعا جۋىق وڭ پىكىر ءتۇستى.

«اكسەلەراتور دوبرا: Izgilik elshisi» الماتىنىڭ 1،9 مىڭ ەرىكتىسى حالىققا ءتۇرلى الەۋمەتتىك قولداۋ كورسەتتى.

«سىبايلاس جەمقورلىققا قارسى ناسيحات: جاڭا ستيل» 1،5 جىل ىشىندە ەڭبەك جانە وقۋ ۇجىمدارىندا 2560 ادامدى تىكەلەي قامتي وتىرىپ، قۇقىقتىق ساۋاتتىلىق جانە تۇرمىستىق سالاداعى ىقتيمال سىبايلاس جەمقورلىق تاۋەكەلدەرى مەن قاتەرلەرى تۋرالى ۋاقتىلى حاباردار ەتۋ بويىنشا 69 كەزدەسۋ ءوتتى.

الماتى قالاسىنداعى ءتۇرلى نىسانداردى بيۋدجەتتىك قارجىلاندىرۋ بويىنشا «اشىق بيۋدجەتتەردىڭ ينتەراكتيۆتى كارتاسى» الماتى قالاسىنىڭ ۇيىمدارى 857،7 ملرد تەڭگە سوماعا ءوز بيۋدجەتتەرىن publicbudget.kz پورتالىندا ورنالاستىرعان.

«الماتى – ادالدىق الاڭى» جوبالىق كەڭسەسىنىڭ باسشىسى الەكساندر براتەنكوۆ Transparency Kazakhstan قق الەۋمەتتىك زەرتتەۋ ناتيجەلەرى بويىنشا الماتىداعى سىبايلاس جەمقورلىقتى قابىلداۋ جاعدايى مەن دەڭگەيى ايتارلىقتاي تومەندەگەنىن حابارلادى.

پاندەميانى ەسكەرە وتىرىپ، «الماتى – ادالدىق الاڭى» جوبالىق كەڭسەسى مونيتورينگتىك توپتىڭ، سىبايلاس جەمقورلىققا قارسى ءىس-قيمىل دەپارتامەنتىنىڭ وكىلدەرىمەن، سونداي-اق ازاماتتىق بەلسەندىلەردى تارتا وتىرىپ، ءدارىحانالاردا كارانتيندىك شارالاردىڭ ساقتالۋى بويىنشا تەكسەرۋلەر، مەديتسينالىق پەرسونالدىڭ، پاتسيەنتتەردىڭ جانە كەلۋشىلەردىڭ كارانتيندىك شارالاردى ساقتاۋى تۇرعىسىنان مەديتسينالىق مەكەمەلەردىڭ مونيتورينگى، سونداي-اق قاشىقتان وقىتۋدى ۇيىمداستىرۋ جۇرگىزىلدى.

جيىن بارىسىندا اكىمنىڭ ورىنباسارى ەرجان باباقۇماروۆ بىرلەسكەن جوبالاردى جۇزەگە اسىرۋعا قوسقان ۇلەسى ءۇشىن الەكساندر براتەنكوۆقا العىس ايتىپ، قر سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆتىڭ اتىنان العىس حات تابىستاپ، جاڭا قىزمەتىنە تابىس تىلەدى. 2021 جىلعا ارنالعان مىندەتتەرىن بەلگىلەپ، قالالىق باسقارمالار باسشىلىعى مەن اۋدان اكىمدىكتەرىنە بىرقاتار ناقتى تاپسىرمالار بەردى.

كەڭەسكە قاتىسۋشىلارعا «الماتى – ادالدىق الاڭى» جوباسىنىڭ جاڭا باسشىسى اينۇر ءسابيتوۆا، «اكسەلەراتور دوبرا: ىزگىلىك ەلشىسى» ەرىكتىلەر قوزعالىسىنىڭ جەتەكشىسى، قازاقستان رەسپۋبليكاسى پرەزيدەنتى جانىنداعى ۇلتتىق قوعامدىق سەنىم كەڭەسىنىڭ مۇشەسى ۇسىنىلدى.

سوڭعى جاڭالىقتار

العا باسقان ازاماتتىق قوعام

قازاقستان • بۇگىن، 08:26

اقىن داڭقى الاسارمايدى

رۋحانيات • بۇگىن، 08:25

70 ملن توننا مۇناي ەكسپورتتالدى

قازاقستان • بۇگىن، 08:17

ماقتانىشىم مەن ساعىنىشىم

قازاقستان • بۇگىن، 08:15

ۇقساس جاڭالىقتار