«21 قاڭتاردا جەرگىلىكتى ۋاقىتپەن ساعات 15:03-تە (ەلوردا ۋاقىتىمەن 19:03) حاركوۆ قالاسىنىڭ نيجنيايا گيەۆسكيا كوشەسىندەگى 150 ب-ءۇي ورتەندى. ءورت قارتتار ءۇيى بولعان نىساننىڭ ەكىنشى قاباتىندا باستالعان. ساعات 16:05-تە عيماراتتان ولگەن 15 ادامنىڭ دەنەسى تابىلدى, تاعى 5 ادام زارداپ شەككەن», دەلىنگەن قالالىق توتەنشە جاعدايلار جونىندەگى قىزمەت تاراتقان حابارلامادا.
جالىن 100 شارشى مەتر اۋماقتى شارپىعان. ونى سوندىرۋگە 28 مامان جانە 7 تەحنيكا جۇمىلدىرىلعان.
قايعىلى وقيعا مەملەكەتتىك دەڭگەيدەگى توتەنشە جاعداي دەپ بەلگىلەندى. قالالىق كەڭەس ساعات 17-دە وقيعاعا قاتىستى وتىرىس وتكىزەتىن بولدى.
