بيىل 1,7 مىڭ ستۋدەنتكە ارنالعان تاعى ەكى عيماراتتىڭ قۇرىلىسى باستالدى. وسىعان وراي قالا اكىمى ب.ساعىنتاەۆ جۇمىس ساپارى كەزىندە د.قوناەۆ اتىنداعى ەۋرازيالىق زاڭ اكادەمياسىنىڭ كوپسالالى كەشەنىمەن تانىستى.
قالا اكىمى Instagram-داعى ءوزىنىڭ پاراقشاسىندا قالاداعى جوعارى وقۋ ورىندارىنداعى ستۋدەنت جاستاردىڭ ءومىر ءسۇرۋ جاعدايلارىن جاقسارتۋ ءۇشىن جاتاقحانالار سالىپ جاتقانىن ايتتى. بۇل – ەلباسىنىڭ «بەس الەۋمەتتىك باستاماسىنداعى» نەگىزگى مىندەتتىڭ ءبىرى. «الماتى – جاستار قالاسى. سوندىقتان ءبىلىم الىپ جۇرگەن جاستاردىڭ ءومىر ءسۇرۋ مەن تۇرمىس جاعدايىن جاقسارتۋ جۇمىستارىن جالعاستىرا بەرەمىز», دەپ اتاپ ءوتتى الماتى اكىمى.
د.قوناەۆ اتىنداعى ەۋرازيالىق زاڭ اكادەمياسىنىڭ كوپسالالى كەشەنىندە 100 ستۋدەنتكە ارنالعان ورىن, وقىتۋشىلارعا ارنالعان بولمەلەر, سونداي-اق اسحانا, كيىم جۋاتىن ورىن, كىتاپحانا, مەديتسينالىق پۋنكت, ينتەرنەت-سىنىپتار قاراستىرىلعان.
