«ۇكقمو» كەاق باسقارما توراعاسى ەسەتجان قوسىباەۆ جاڭا تاعايىنداۋلارعا قاتىستى ءوز پىكىرىن ءبىلدىردى: «كينو ورتالىعى جوعارى دەڭگەيدەگى كينو ءونىمىن الۋى ءۇشىن بارلىق كينوجوبالاردىڭ وندىرىسىنە ساپالى مونيتورينگ جۇرگىزۋى كەرەك. سوندىقتان, ءبىزدىڭ الدىمىزدا بەلسەندى تۇردە ءتۇسىرىلىم الاڭدارىنا شىعىپ, شىعارماشىلىق پروتسەستى تالداۋ مىندەتى تۇر. سونداي-اق, ءبىز وتىنىمدەردى بەرۋ كەزىندە باقىلاۋ جۇرگىزۋ تەتىكتەرىن ازىرلەپ, ەكونوميكالىق قۇراۋشىنى, ياعني بەرىلگەن ءوتىنىمنىڭ سمەتاعا قانشالىقتى سايكەس كەلەتىنىن جانە تاعى باسقاسىن قاداعالاۋىمىز كەرەك. وسى جانە باسقا دا بىرقاتار مىندەتتەردى ورىنداۋ ءۇشىن كينو ورتالىعىنىڭ ۇجىمىنا بۇگىن ارمان تۇرسىنباي ۇلى اسەنوۆ پەن باۋىرجان كامال ۇلى شۇكەنوۆ قوسىلدى. قازىرگى تاڭدا ءبىز ديرەكتورلار كەڭەسىنىڭ اتقاراتىن ءرولىن ارتتىرۋ باعىتىندا جۇمىس ىستەپ جاتقانىمىزدى اتاپ وتكىم كەلەدى. ۇكقمو باسقارماسى وتاندىق كينەماتوگرافتى قولداۋ جونىندەگى مىندەتتەرمەن نەعۇرلىم ءتيىمدى جۇمىس ىستەۋى كەرەك».
ارمان اسەنوۆ پەن باۋىرجان شۇكەنوۆتىڭ ەسىمدەرىن قازاقستان كينو قاۋىمداستىعىنا تانىس.
اكتەر, پروديۋسەر, قازاقستان رەسپۋبليكاسىنىڭ ەڭبەك سىڭىرگەن قايراتكەرى ارمان اسەنوۆ ءوزىنىڭ شىعارماشىلىق جولىندا اكتەر جانە پروديۋسەر رەتىندە 40-تان استام كارتينادا جۇمىس ىستەپ ۇلگەرگەن, ولاردىڭ كوپشىلىگى تەك قازاقستاندا عانا ەمەس, شەتەلدە دە تانىمال.
ءار ءتۇرلى جىلدارى ارمان اسەنوۆ «قازاقفيلم» كينوستۋدياسىنىڭ پروديۋسەرى, ماكسيم گوركي اتىنداعى بالالار جانە جاسوسپىرىمدەر فيلمدەرى كينوستۋدياسى ديرەكتورىنىڭ ورىنباسارى, «قازكينوپروكات» ءروب باس ديرەكتورى, «بايتەرەك» پروديۋسەرلىك ورتالىعىنىڭ باس پروديۋسەرى قىزمەتتەرىن اتقارعان, ال 2019 جىلى «شاكەن ايمانوۆ اتىنداعى «قازاقفيلم» اق باسقارعان.
ارمان تۇرسىنباي ۇلى – قر كينەماتوگرافيستەر وداعىنىڭ باسقارما مۇشەسى, قازاقستان جاستار وداعى سىيلىعىنىڭ لاۋرەاتى, «قۇرمەت» وردەنىمەن ماراپاتتالعان جانە «قازاقستاننىڭ ۇزدىك كينوپروديۋسەرى» اتاعىنا يە بولعان.
«ارمان» كينوتەاترىنىڭ اتقارۋشى ديرەكتورى باۋىرجان شۇكەنوۆ رەسپۋبليكالىق كوممەرتسيالىق كينوپروكاتتىڭ نەگىزىن قالاعانداردىڭ ءبىرى, سونداي-اق, ول وتاندىق اۆتورلىق كينونى ناسيحاتتاۋ جانە فەستيۆال قوزعالىسىن قولداۋ بويىنشا ءساتتى جۇمىس جاساعان. 2010 جىلى ب.شۇكەنوۆ قازاقستاندا «بۇگىنگى فرانتسۋز كينوسى» فەستيۆالىن وتكىزۋدىڭ باستاماشىسى بولدى, بۇل فەستيۆال كوپشىلىك كورەرمەننىڭ سۇيىسپەنشىلىگىنە بولەندى. Unifrance مەملەكەتتىك اگەنتتىگىنىڭ قاتىسۋىمەن وتەتىن فەستيۆال بىرقاتار جارقىن پرەمەرالارمەن ەستە قالىپ, رەسپۋبليكانىڭ مادەني ومىرىندەگى ماڭىزدى وقيعاعا اينالدى. باۋىرجان شۇكەنوۆ «ونەر مەن ادەبيەتتەگى ەڭبەگى ءۇشىن» فرانتسۋز رەسپۋبليكاسىنىڭ وردەنىمەن ماراپاتتالعان.
وعان قوسا, باۋىرجان كامال ۇلى باتىرحان شۇكەنوۆ اتىنداعى قوردىڭ قامقورشىلىق كەڭەسىنىڭ توراعاسى بولىپ تابىلادى. ال 2019 جىلدان باستاپ ۇلتتىق كينونى قولداۋ مەملەكەتتىك ورتالىعىنىڭ جانىنداعى ساراپتاما كەڭەسىنىڭ قۇرامىندا قىزمەت ەتكەن.
