ايماقتار • 21 قاڭتار، 2021

پەتروپاۆلدا الاياقتىق اسقىنىپ بارادى

33 رەت كورسەتىلدى

ولاردىڭ قۇرىعىنا تۇسپەۋدىڭ جولدارىن پوليتسيا بانك قىزمەتكەرلەرىمەن بىرلەسىپ تالقىلادى.  جىل باسىنان بەرى 26 پەتروپاۆلدىق ينتەرنات-الاياقتاردىڭ قۇرىعىنا ءتۇسىپ قالعان، دەپ حابارلايدى Egemen.kz

وتكەن جىلى پەتروپاۆلدا الاياقتار 97 رەت قالالىقتاردىڭ ەسەپشوتىنان اقشا قاعىپ كەتكەن. پوليتسەيلەر بۇعان الاڭداۋلى.

«بۇل پروبلەمامەن بىزگە بانكپەن بىرلەسە كۇش جۇمساۋ ارقىلى عانا كۇرەسۋگە بولادى. قابىلدانىپ جاتقان شارالار ءار كەزدە ناتيجە بەرمەيتىنىن فاكتىلەر كورسەتىپ وتىر. ءبىزدىڭ مىندەتىمىز – كۇشىمىزدى بىرىكتىرىپ، الاياقتارعا قارسى تۇرۋ»، دەيدى پەتروپاۆل قالالىق پب باستىعى، پوليتسيا پولكوۆنيگى جاندوس مۇقاتوۆ.

كەزدەسۋگە الاياقتاردىڭ قۇربانى بولعان ايەل دە قاتىستى. ول بانكتەن نەسيە الۋ ءۇشىن قاسكويگە 200 مىڭ تەڭگە اۋدارعان. ول ءوزىن «بانك قىزمەتكەرىمىن» دەپ تانىستىرىپ، قوڭىراۋ شالعانداردىڭ ءىس-ارەكەتى جايلى ايتىپ بەردى. جالعان مەنەدجەرلەردىڭ سەنىمدى جانە ساۋاتتى سويلەگەنىنەن ول ءتىپتى كۇماندانباعان. سونىمەن قاتار، ولار بۇعان فاميلياسىن، اتىن، اكەسىنىڭ اتىن ايتىپ بەرگەن. ءدال وسى جەكە مالىمەتتەردى ءبىلۋى پوليتسەيدى ۇرەيلەندىرىپ وتىر. دەمەك، الاياقتار بانك قىزمەتكەرلەرىمەن بايلانىسۋى مۇمكىن.

ءتىپتى ولاردان قوڭىراۋ تۇسكەن كەزدە بانك مەكەمەسىنىڭ CALL-ورتالىعىنىڭ ءنومىرى شىققان. بانك وكىلدەرى: «قاۋىپسىزدىك قىزمەتى نەمەسە باسقا بولىمدەردىڭ قىزمەتكەرلەرى كەز-كەلگەن سىلتاۋمەن، اسىرەسە قانداي دا ءبىر كود نەمەسە شوتتاردىڭ، كارتالاردىڭ نومىرلەرىن سۇراپ، كليەنتتەرگە قوڭىراۋ شالمايدى»، دەپ اتاپ ءوتتى جينالىستا. كەزدەسۋ قورىتىندىسىندا پوليتسەيلەر مەن قارجى مەكەمەلەرىنىڭ وكىلدەرى الداعى ۋاقىتتا بىرلەسكەن پروفيلاكتيكالىق جۇمىستار جۇرگىزۋگە كەلىستى.

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار