كەشە ماسكەۋدە قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ساعىنتاەۆتىڭ توراعالىعىمەن ەۋرازيا ەكونوميكالىق كوميسسياسى (ەەك) كەڭەسىنىڭ كەزەكتى وتىرىسى بولىپ ءوتتى.
كەشە ماسكەۋدە قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ساعىنتاەۆتىڭ توراعالىعىمەن ەۋرازيا ەكونوميكالىق كوميسسياسى (ەەك) كەڭەسىنىڭ كەزەكتى وتىرىسى بولىپ ءوتتى.
كەڭەس مۇشەلەرى ينتەگراتسيانى ودان ءارى دامىتۋعا باعىتتالعان ەرەجەلەردى ەسكەرە وتىرىپ, ەۋرازيا ەكونوميكالىق وداعى تۋرالى كەلىسىمشارتتىڭ جوباسى جونىندەگى جۇمىستىڭ بارىسىن تالقىلادى.
سونداي-اق, وتىرىستا ساۋدا, باسەكەلەستىك, مونوپولياعا قارسى رەتتەۋ, ەنەرگەتيكا جانە تەحنيكالىق رەتتەۋ سالالارىنىڭ ماسەلەلەرى تالقىلاندى. سونىڭ ىشىندە «حيميالىق ونىمدەردىڭ قاۋىپسىزدىگى», «لاك جانە بوياۋ شىعارۋ ماتەريالدارىنىڭ قاۋىپسىزدىگى», «سينتەتيكالىق بوياعىش زاتتاردىڭ جانە تۇرمىستىق حيميا تاۋارلارىنىڭ قاۋىپسىزدىگى» تۋرالى كەدەن وداعىنىڭ تەحنيكالىق رەگلامەنتتەرى قارالدى.
قازاقستان رەسپۋبليكاسىنىڭ ءبىرىنشى ۆيتسە-پرەمەرى باقىتجان ساعىنتاەۆ ەەك كەڭەسىنىڭ جۇمىسى ينتەگراتسيالىق ۇدەرىستەرىنىڭ قارقىندىلىعى مەن مەملەكەتتەرىمىزدىڭ اراسىنداعى ءارىپتەستىك قارىم-قاتىناستىڭ جوسپارلى نىعايۋىنىڭ دالەلى بولىپ تابىلاتىندىعىن اتاپ كورسەتتى, دەپ حابارلادى قر پرەمەر-ءمينيسترىنىڭ ءباسپاسوز قىزمەتى.
