قازاقستان • 20 قاڭتار، 2021

نيۋ-يوركتە قازاقستاننىڭ يادرولىق قارۋعا تىيىم سالۋ تۋرالى شارتى تالقىلاندى

19 رەت كورسەتىلدى

نيۋ-يوركتىڭ ۇكىمەتتىك ەمەس ۇيىمدارى قازاقستاننىڭ يادرولىق قارۋعا تىيىم سالۋ تۋرالى شارتتى ىلگەرىلەتۋدەگى ءرولىن جوعارى باعالادى، دەپ حابارلايدى Egemen.kz

يادرولىق قارۋسىزدانۋ جونىندەگى شارالارعا جاردەمدەسۋ جونىندەگى كواليتسياعا كىرەتىن نيۋ-يوركتىڭ 40-تان استام ۇكىمەتتىك ەمەس ۇيىمدارىنىڭ وكىلدەرى ەلىمىزدىڭ الەمدەگى يادرولىق قارۋعا تىيىم سالۋعا قوسقان ۇلەسىن مويىنداپ، قازاقستانعا العىس حات پەن راۋشان گ ۇلىن تابىس ەتتى. ءىس-شارا وسى جىلدىڭ 22 قاڭتارىندا يادرولىق قارۋعا تىيىم سالۋ تۋرالى شارتتىڭ كۇشىنە ەنۋى قارساڭىندا ءوتتى.

ء«بىز قازاقستانعا يادرولىق قارۋدى جويۋعا عانا ەمەس، سونىمەن قاتار يادرولىق جارىلىستاردىڭ قۇرباندارىنا كومەك كورسەتۋگە، سونداي-اق قورشاعان ورتانى قالپىنا كەلتىرۋگە باعىتتالعان يادرولىق قارۋعا تىيىم سالۋ تۋرالى شارتتى راتيفيكاتسيالاعانى ءۇشىن ەرەكشە ريزاشىلىعىمىزدى بىلدىرەمىز»، دەپ اتاپ ءوتتى «يادرولىق قارۋسىز الەم ءۇشىن مانحەتتەن جوباسى» (Manhattan Project for a Nuclear-Free World) ۇيىمىنىڭ وكىلى كەتلين ساليۆان.

ۇەۇ بەلسەندىلەرى اقش-تا قازاقستانداعى كوپتەگەن يادرولىق سىناقتاردان زارداپ شەككەندەر تۋرالى بىلەتىنىن جانە ەلىمىزدىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ سەمەي سىناق پوليگونىن جابۋ تۋرالى تاريحي شەشىمىن، سونداي-اق مەملەكەتىمىزدىڭ جاھاندىق يادرولىق قارۋسىزدانۋعا قوسقان ولشەۋسىز ۇلەسىن جوعارى باعالايتىنىن اتاپ ءوتتى.

قازاقستاننىڭ بۇۇ جانىنداعى تۇراقتى وكىلى ماعجان ءىلياسوۆ ءوز كەزەگىندە يادرولىق قارۋعا تىيىم سالۋ تۋرالى شارتتىڭ كۇشىنە ەنۋى حالىقارالىق قوعامداستىقتىڭ يادرولىق قارۋدى زاڭنان تىس جاريالاۋ جونىندەگى كوپجىلدىق كۇش-جىگەرىنىڭ ناتيجەسى عانا ەمەس، سونداي-اق الەمدى جاپپاي قىرىپ-جوياتىن قارۋدان قۇتقارۋ ءۇشىن كۇرەستىڭ جاڭا كەزەڭىنىڭ باستالعانىن اتاپ ءوتتى.

«قازاقستان باسقا ەلدەرمەن جانە ازاماتتىق قوعاممەن كەلىسە وتىرىپ، بۇل جۇمىستى بولاشاق ۇرپاق ءۇشىن جالعاستىرۋعا نيەتتى»، دەپ تۇيىندەدى م. ءىلياسوۆ.

يادرولىق قارۋعا تىيىم سالۋ تۋرالى شارت 2017 جىلعى 7 شىلدەدە نيۋ-يوركتە قابىلداندى. قۇجات يادرولىق قارۋعا تولىق تىيىم سالادى. شارتتىڭ ءبىرىنشى بابىندا ء«اربىر قاتىسۋشى مەملەكەت ەشقاشان جانە ەشقانداي جاعدايدا يادرولىق قارۋدى نەمەسە باسقا دا يادرولىق جارىلعىش قۇرىلعىلاردى ازىرلەمەۋگە، سىناماۋعا، وندىرمەۋگە، جاساماۋعا، وزگەشە تۇردە ساتىپ الماۋعا، يەلىكتە بولماۋعا جانە جيناقتاماۋعا مىندەتتەنەدى» دەلىنگەن.

قازاقستان شارتتى ازىرلەۋگە جانە قابىلداۋعا بەلسەندى قاتىسىپ، قۇجاتتى 2019 جىلعى 29 تامىزدا راتيفيكاتسيالادى.

شارت ونى ەلۋ مەملەكەت راتيفيكاتسيالاعاننان كەيىن 90 كۇننەن سوڭ كۇشىنە ەنەدى. وتكەن جىلدىڭ قازان ايىندا شارتتى راتيفيكاتسيالاعان 50-ءشى مەملەكەت گوندۋراس بولدى. بۇگىنگى تاڭدا 86 ەل قۇجاتقا قول قويىپ، ونىڭ 51-ءى شارتتى راتيفيكاتسيالادى.

«ميسسيالارعا ارنالعان راۋشاندار» ءىس-شاراسى «بەيبىت ارەكەت – نيۋ-يورك شتاتى» (Peace Action NYS)، «يادرولىق قارۋسىز الەم ءۇشىن مانحەتتەن جوباسى» (Manhattan Project for a Nuclear-Free World)، «يادرولىق قارۋدى جويۋ جونىندەگى حالىقارالىق ناۋقان» (ICAN) جانە باسقا دا نيۋ-يوركتەگى 40-تان استام ۇكىمەتتىك ەمەس ۇيىمدار يادرولىق قارۋعا تىيىم سالۋ تۋرالى شارتتىڭ كۇشىنە ەنۋىن اتاپ وتۋگە وراي ۇيىمداستىردى.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار