ءبىلىم • 20 قاڭتار، 2021

اۋىل مەكتەپتەرىن ۇزدىك تامامداعان تۇلەكتەردى عانا پەداگوگيكا ماماندىعىنا شاقىرۋ دۇرىس پا؟

783 رەت كورسەتىلدى

بۇگىن پارلامەنت ءماجىلىسىنىڭ جالپى وتىرىسىندا دەپۋتات جۇلدىز سۇلەيمەنوۆا مەكتەپتەرگە بىلىكتى كادرلاردى تارتۋعا قاتىستى ۇسىنىس ءبىلدىردى، دەپ حابارلايدى Egemen.kz

ج.سۇلەيمەنوۆا ءبىلىم ءمينيسترى اسحات ايماعامبەتوۆتىڭ اتىنا جولداعان دەپۋتاتتىق ساۋالىندا: «Nur Otan» پارتياسىنىڭ سايلاۋالدى باعدارلاماسىندا 2025 جىلعا قاراي بارلىق مەكتەپتەردى مۇعالىمدەرمەن 100 پايىز قامتاماسىز ەتۋ قاراستىرىلعان. وسى ورايدا، مەملەكەت باسشىسى قاسىم-جومارت توقاەۆتىڭ تاپسىرماسىمەن مۇعالىمدەردىڭ ەڭبەكاقىسى جۇيەلى نەگىزدە ەداۋىر ارتتى. سونىمەن بىرگە، «پەداگوگ مارتەبەسى تۋرالى» زاڭ – پەداگوگ قىزمەتىنىڭ وزەكتى الەۋمەتتىك جانە كاسىبي ماسەلەلەرىن ءتيىمدى شەشۋ ماقساتىندا دەر كەزىندە قابىلداندى دەپ بىلەمىز. بۇل قۇپتارلىق جاعداي. بىراق ءبىزدىڭ دەپۋتاتتىق ساۋالىمىز ساپالى پەداگوگ كادرلارمەن قامتاماسىز ەتۋ ارقىلى مەكتەپتەردەگى تۇراقتى ءبىلىم ساپاسىن ارتتىرۋ ماسەلەسىنە ارنالادى. كوپتەگەن حالىقارالىق زەرتتەۋلەر بويىنشا بۇل ماسەلە پەداگوگ كادرلاردىڭ ءبىلىم دەڭگەيىنە تىكەلەي بايلانىستى ەكەنى بەلگىلى»، دەدى ول.

ونىڭ ايتۋىنشا، مەكتەپتەردە ساپالى كادرلاردىڭ تاپشىلىعى اتا-انالاردىڭ دايىندىق ورتالىقتارىندا رەپەتيتورلاردىڭ اقىلى قىزمەتىنە جۇگىنۋ ءماجبۇر ەتەدى.

«قازىرگى پەداگوگ ماماندارىنىڭ تاپشىلىعى، وتپەلى كەزەڭدە مەكتەپتە جاقسى وقىعان تۇلەكتەردىڭ پەداگوگيكالىق ماماندىققا بارماۋىنا، ال پەداگوگيكالىق جوعارى وقۋ ورىندارىنداعى ستۋدەنتتەردىڭ اۋىل مەكتەپتەرىنە كەلمەۋىنە بايلانىستى. وسى تۇرعىدا اۋىل مەكتەپتەرىن ۇزدىك تامامداعان تۇلەكتەردى پەداگوگيكا ماماندىعىنا ۇگىتتەۋ جۇمىستارىن جۇيەلەندىرىپ، جانداندىرۋ قاجەت»، دەدى دەپۋتات.

جۇلدىز سۇلەيمەنوۆانىڭ ايتۋىنشا، كوپ جىلدىق تاجىريبەلەردىڭ ناتيجەسىندە پەداگوگيكالىق ۋنيۆەرسيتەتتەر تۇلەكتەرىنىڭ كوپشىلىگىندە ورتا مەكتەپتەردە پاندىك جانە ادىستەمەلىك ءبىلىم دەڭگەيىنىڭ جەتكىلىكسىزدىگى بايقالادى. وسى رەتتە اكادەميالىق ادالدىق قاعيداتتارىنا نەگىزدەلگەن تاۋەلسىز نەگىزدە پەداگوگيكالىق جوعارى وقۋ ورىندارى ءبىتىرۋشى تۇلەكتەرىنىڭ پاندىك ءبىلىم دەڭگەيىن تەكسەرۋ تەتىكتەرىن ويلاستىرۋ كەرەك.

«پەداگوگيكالىق جوعارى وقۋ ورىندارىندا قازىرگى زامانداعى جاڭا يننوۆاتسيالىق پەداگوگيكالىق تەحنولوگيانى، ءادىس-تاسىلدەردى ستۋدەنتتەرگە ءتيىمدى ۇيرەتۋ ماقساتىندا ونلاين نەگىزدە ەلىمىزدەگى نوۆاتور ۇستازداردىڭ اۆتورلىق كۋرستارىن ۇيىمداستىرۋدى ۇسىنامىز»، دەپ تۇيىندەدى جۇلدىز سۇلەيمەنوۆا.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار