قالانىڭ «التس» جانە «الماتى سۋ» كوممۋنالدىق كاسىپورىندارى جەرگىلىكتى بيۋدجەتتىڭ ەسەبىنەن تولەنگەن جىلۋدىڭ, ىستىق جانە سۋىق سۋدىڭ دەبيتورلىق قارىزدارىن ەسەپتەن شىعاردى.
اتالعان شاراعا 79,9 ملن تەڭگە جۇمسالىپ, وعان 5 055 ادام قامتىلدى. ولار مىنا ساناتتاعى تۇلعالار: ۇلى وتان سوعىسىنا قاتىسۋشىلار مەن سوعىس مۇگەدەكتەرى - 78 061 تەڭگە بويىنشا 11 ادام; ەڭبەك مايدانىنا قاتىسۋشىلار - 4 659 507 تەڭگە بويىنشا 840 ادام; ۇلى وتان سوعىسىنا قاتىسۋشىلار مەن سوعىس مۇگەدەكتەرىنە تەڭەستىرىلگەندەر - 1 520 764 تەڭگە بويىنشا 115 ادام; باسقا مەملەكەتتەردە بولعان سوعىستاردىڭ ارداگەرلەرى - 1 881 004 تەڭگە بويىنشا 49 ادام; كامەلەتكە تولماعان 4 نەمەسە ودان كوپ بالالارى بار كوپبالالى وتباسىلار - 15 898 519 تەڭگە بويىنشا 462 ادام; ءبىرىنشى, ەكىنشى جانە ءۇشىنشى توپتاعى مۇگەدەكتەر - 37 619 113 تەڭگە بويىنشا 2 709 ادام; اتاۋلى الەۋمەتتىك كومەك الاتىندار - 6 735 501 تەڭگە بويىنشا 224 ادام; ەڭ تومەنگى جانە ودان تومەن زەينەتاقى الاتىن زەينەتكەرلەر - 7 770 687 تەڭگە بويىنشا 211 ادام; مۇگەدەك بالانى تاربيەلەپ وتىرعان وتباسىلار - 2 438 187 تەڭگە بويىنشا 346 ادام; اسىراۋشىسىنان ايرىلعانى ءۇشىن جاردەماقى الاتىن وتباسىلار - 1 271 369 تەڭگە بويىنشا 88 ادام.
