سونىمەن قاتار بيىلعى جىلى جەتىم جانە اتا-اناسىنىڭ قامقورلىعىنسىز قالعان بالالار مەن كوپبالالى وتباسىلارعا, حالىقتىڭ الەۋمەتتىك جاعىنان ءالسىز توبى مەن جۇمىس ىستەيتىن جاستارعا 1580 پاتەر ۇلەستىرىلەتىن بولادى.
بۇل تۋرالى قالا اكىمى مۇرات ايتەنوۆكە 2020 جىلى اتقارىلعان جۇمىستار تۋرالى ەسەپ بەرگەن قالالىق تۇرعىن ءۇي باسقارماسىنىڭ باسشىسى عالىمجان تولەپوۆ باياندادى.
باسقارما باسشىسىنىڭ ايتۋىنشا, بيىل سونداي-اق «نۇرلى جەر» مەملەكەتتىك باعدارلاماسىنىڭ «2-10-20» («باقىتتى وتباسى») نەسيەلەندىرۋ شارتى اياسىندا 350 از قامتىلعان وتباسىلاردى تۇرعىنجايمەن قامتۋ جوسپارلانۋدا. «شاڭىراق» پيلوتتىق جوباسى بويىنشا («5-10-20» نەسيەلەندىرۋ شارتىنىڭ) تۇرعىن ءۇي كەزەگىندە تىركەلگەن 1728 وتباسىنى باسپانامەن قامتاماسىز ەتۋ كوزدەلگەن. ودان بولەك «نۇرلى جەر» مەملەكەتتىك باعدارلاماسىنىڭ «7-20-25» نەسيەلەندىرۋ شارتى اياسىندا 108 ازاماتقا پاتەر بەرىلمەك.
جيىن بارىسىندا اتاپ كورسەتىلگەنىندەي «نۇرلى جەر» مەملەكەتتىك باعدارلاماسى اياسىندا شىمكەنتتە رەسپۋبليكالىق بيۋدجەت ەسەبىنەن 35 كوپپاتەرلى تۇرعىن ۇيگە كۇردەلى جوندەۋ جۇمىستارىن جۇرگىزۋ جوسپارلانعان. اتاپ ايتقاندا كوپقاباتتى تۇرعىن ۇيلەردىڭ ليفت قوندىرعىلارىن اۋىستىرۋ, كوممۋنالدىق مەنشىكتەگى تۇرعىن ۇيلەرگە اعىمداعى نەمەسە كۇردەلى جوندەۋ جۇمىستارىن جۇرگىزۋ قاراستىرىلعان.
جالپى باسپانا ماسەلەسىنە قاتىستى تۋىندايتىن قوسىمشا سۇراقتار بويىنشا 8725256-62-90 نەمەسە whatsapp ارقىلى ارنايى +7 700 674 20 52 نومىرلەرىنە حابارلاسۋعا بولادى.
