ايماقتار • 19 قاڭتار، 2021

سقو «قىزىل ايماققا» ەندى

17 رەت كورسەتىلدى

سولتۇستىك قازاقستان وبلىستىق سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى اسەت جۇماتاەۆ بۇگىن جۋرناليستەرگە بريفينگ بەرىپ، وبلىستىڭ جامان ىندەت بويىنشا «قىزىل ايماققا» كىرگەنىن مالىمدەدى. بۇعان سەبەپ بولىپ وتىرعان سوڭعى كەزدەردەگى سىرقاتتار سانىنىڭ كۇرت كوبەيۋى. قازىر وبلىستا جامان ىندەتكە شالدىققاندار سانى 9633 ادام. ونىڭ ىشىندەگى  366 جاعداي سىرتتان كىرگەندەردىڭ بويىنان شىققاندار، دەپ حابارلايدى Egemen.kz

سىرقات بەلگىلەرى 5887 ادامنان كورىنگەن، ال 3746 ادامنىڭ اۋرۋ بەلگىلەرى سىرتقا بىلىنبەگەن. بارلىق سىرقاتتىڭ - 17%  پروفيلاكتيكالىق تەكسەرۋ كەزىندە انىقتالعان.  61% مەديتسينالىق كومەككە جۇگىنگەن ادامدار اراسىندا تىركەلگەن. قالعان - 23%  بايلانىستا بولعاندار اراسىنان انىقتالدى.

وتكەن تاۋلىكتە 71 جاعداي تىركەلدى، ونىڭ ىشىندە اۋرۋ بەلگىلەرى بار 50 جاعداي جانە اۋرۋ بەلگىلەرى جوق 21 جاعداي. بۇل وتكەن اپتانىڭ ءبىر تاۋلىگىمەن سالىستىرعاندا  36،5% - عا كوپ دەگەن ءسوز. وسىنىڭ ءوزى وبلىستاعى سىرقاتتىڭ ۋشىعىپ بارا جاتقاندىعى سەبەپتى «قىزىل زوناعا» كىرۋگە ماجبۇرلەپ وتىر. اۋداندار اراسىندا ەڭ كوپ – 10 سىرقات تىركەلگەن م.جۇماباەۆ اۋدانى. پەتروپاۆل قالاسىنىڭ وزىنەن 31 سىرقاتتى ادام تىركەلگەن.

پتر ادىسىمەن زەرتحانالىق تالداۋلار ەپيدەميولوگيالىق كورسەتكىشتەر بويىنشا 62 ازاماتتان جانە پروفيلاكتيكالىق ماقساتتا اكەلىنگەن 2 ازاماتتان جانە ەپيدقاداعالاۋ ماقساتىندا 7 ازاماتتان الىندى.

مامانداردىڭ سارابىنا قاراعاندا جامان ىندەت بارلىق جاستاعىلاردان تابىلعان. سونىڭ ىشىندە 60 جاستان اسقاندار ەڭ كوپ - 28 پايىزدى قۇراپ وتىر. ولاردىڭ سانى 2738 ادام. 50 مەن 59 جاستاعىلار ۇلەسى - 19%، سانى 1813 ادام. ال 30 بەن 39 جاستاعىلار اراسىندا سىرقاتتانعاندار سانى 1623.

كاسىبي جاعىنا كەلەتىن بولساق، ەڭ كوپ ىندەتكە ۇشىراعاندار – جۇمىس ىستەيتىندەر. ولاردىڭ ۇلەسى – 34% نەمەسە 3260 ادام. ال زەينەتكەرلەر بارلىق سىرقاتتىڭ – 25% قۇرايدى. جۇمىس ىستەمەيتىندەر اراسىنان 1626 ادامنىڭ بويىنان سىرقات شىققان.

سىرتتان كىرگەندەر اراسىنان سىرقاتقا ۇشىراعاندار سانى كوپتەپ تابىلۋدا. سونىڭ ىشىندە، اسىرەسە رەسەي فەدەراتسياسىنان كىرگەندەر اراسىنان اۋرۋعا ۇشىراعاندار كوپ كەزدەسكەن. 2020 جىلدىڭ 6 قازانىنان 2021 جىلدىڭ 17 قاڭتارىنا دەيىن رەسەيدەن بەرى وتكەندەردىڭ جالپى سانى 52566 ادام. سونىڭ ىشىندە 224 ادامنىڭ بويىنان سىرقات شىققان. ال 350 ادامعا قولىندا دەنساۋلىعى تۋرالى 72 ساعاتتىڭ ىشىندە الىنعان انىقتاما بولماعاندىقتان شەكارادان بەرى وتۋگە رۇحسات بەرىلمەگەن.

قازىر ءبىزدىڭ وبلىستا پتسر زەرتتەۋ جاسايتىن 4 زەرتحانا بار. وسى ۋاقىتقا دەيىن ولاردا– 232270. سونىڭ ىشىندە – 4%، ياعني 9633 ادامنىڭ بويىنان سىرقات بەلگىلەرى تابىلدى.

وبلىس باسشىلارى مەن دارىگەرلەر تۇرعىندارعا ساقتانۋ شارالارىن مۇقيات ساقتاۋدى ۇنەمى ەسكەرتىپ وتىرادى.

 

سولتۇستىك قازاقستان وبلىسى

سوڭعى جاڭالىقتار

ۇقساس جاڭالىقتار