ۇكىمەت • 19 قاڭتار، 2021

بيۋدجەت قىزمەتكەرلەرىنىڭ ەڭبەكاقىسى وسەدى

3339 رەت كورسەتىلدى

اتالمىش مالىمەت مەملەكەت باسشىسىنىڭ پرەمەر-مينيستر اسقار ءماميندى قابىلداۋىندا ايتىلدى. بۇعان دەيىن پرەزيدەنتتىڭ تاپسىرماسى بويىنشا ۇكىمەت 2020 جىلى بيۋدجەت سالاسىنداعى 883 مىڭ قىزمەتكەردىڭ ەڭبەكاقىسىن وسىرگەن، دەپ حابارلايدى Egemen.kz

 

«اتاپ ايتقاندا 609 مىڭ پەداگوگتىڭ جالاقىسى 25 پايىزعا، 215 مىڭ مەديتسينا قىزمەتكەرىنىڭ ەڭبەكاقىسى 30 پايىزعا دەيىن، مادەنيەت، ارحيۆ جانە ونەر سالاسىنداعى 34 مىڭ قىزمەتكەر مەن الەۋمەتتىك قورعاۋ سالاسىنداعى 25 مىڭ قىزمەتكەردىڭ جالاقىسى 50 پايىزعا دەيىن كوبەيگەن. پرەزيدەنت بيىل دا بيۋدجەت سالاسىنداعى 1 ميلليون 70 مىڭ قىزمەتكەردىڭ ەڭبەكاقىسىن، ونىڭ ىشىندە، 785 مىڭ پەداگوگتىڭ جالاقىسىن 25 پايىزعا، 247 مىڭ مەديتسينا قىزمەتكەرىنىڭ ەڭبەكاقىسىن 30 پايىزعا، الەۋمەتتىك قورعاۋ سالاسىنداعى الەۋمەتتىك-مەديتسينالىق مەكەمەلەردىڭ 38 مىڭ قىزمەتكەرىنىڭ جالاقىسىن 45 پايىزعا دەيىن ارتتىرۋ جۇمىسىن جالعاستىرۋ اسا ماڭىزدى مىندەت دەپ ەسەپتەيدى»، دەلىنگەن حابارلامادا.

ەسكە سالا كەتسەك، اسقار مامين پرەزيدەنتكە ەلىمىزدەگى سانيتارلىق-ەپيدەميالىق احۋال مەن الەۋمەتتىك-ەكونوميكالىق دامۋدىڭ وزەكتى ماسەلەلەرى تۋرالى باياندادى.



سوڭعى جاڭالىقتار

ۇقساس جاڭالىقتار