كيىم وندىرىسىندە يمپورتتىڭ ۇلەسى ارتقان

ەكونوميكا • 19 قاڭتار، 2021

كيىم وندىرىسىندە يمپورتتىڭ ۇلەسى ارتقان

13 رەت كورسەتىلدى

قازاقستانعا اكەلىنگەن جەڭىل ونەركاسىپ ءونىمىنىڭ كولەمى ەكسپورتتان 30 ەسە ارتىپ، وتكەن جىلدىڭ 11 ايىنىڭ قورىتىندىسى بويىنشا كيىم ءوندىرىسى كوپتەگەن سەگمەنتتەردە زاتتاي تۇردە تومەندەگەن، دەپ حابارلايدى Egemen.kz

ەلۆيرا سەرىكقىزى

شەتەلدىك وندىرۋشىلەر ەلىمىزگە 1 195 ملرد دوللار تۇراتىن تاۋار جەتكىزگەن. ال قازاقستاندىق ەكسپورتشىلار 41 ملن دوللاردىڭ عانا تاۋارىن ساتقان. قازىرگى ۋاقىتتا قازاقستانداعى تىگىن مەكەمەلەرى مەملەكەتتىك تاپسىرىس ەسەبىنەن كۇن كورۋدە. Enegryprom.kz مالىمەتتەرىنە سۇيەنسەك، 2020 جىلدىڭ ون ايىندا ەلىمىزگە 534،9 ملن دوللارعا 62،3 مىڭ توننا تىكەلەي تريكوتاج جانە توقىما كيىمدەرى مەن كەرەك-جاراقتارى اكەلىنگەن. سەكتورداعى يمپورتتىڭ جىلدىق ءوسىمى زاتتاي 21،6%، اقشالاي — 1،4% قۇرادى. وتكەن جىلى ەلىمىزگە تمد ەلدەرىنەن 18،1 مىڭ توننا كيىم اكەلىنسە، ولاردىڭ قاتارىنداعى نەگىزگى يمپورتتاۋشىلار وزبەكستان مەن رەسەي بولدى. قالعان ەلدەردەن 350،8 ملن اقش دوللارى شاماسىندا 44،2 مىڭ توننا كيىم جەتكىزىلگەن. الەمنىڭ باسقا ەلدەرىنەن تاسىمالدانعان يمپورت كولەمىنىڭ 85،1% ى قىتايعا تيەسىلى (37،6 مىڭ توننا، بىردەن جىلىنا 28،7%).

سۆيتەرلەر، جەمپىرلەر، كارديگاندار، كەۋدەشەلەر جانە ماشينامەن نەمەسە قولمەن توقىلعان ۇقساس تريكوتاج بۇيىمدارى ءوندىرىسى ءبىر جىلدا 40،8% - عا، 90،5 مىڭ داناعا دەيىن قىسقاردى. نارەستەلەرگە ارنالعان كيىمدەردى شىعارۋ 40،1%-عا، 14،6 ملن تەڭگەگە دەيىن، ماشينامەن نەمەسە قولمەن توقىلعان تريكوتاج كيىمدەردى شىعارۋ - 39،4%-عا، 87،4 مىڭ داناعا دەيىن، ۇيىقتاردى شىعارۋ-25،2%-عا، 10،7 ملن جۇپقا دەيىن تومەندەدى. قالپاقتار مەن باس كيىمدەر ءوندىرىسى، كەرىسىنشە، وڭ ناتيجە كورسەتتى: ءبىر جىلدا بىردەن 54،1%-عا، 1،2 ملرد تەڭگەگە دەيىن ءوستى.

وتكەن جىلدىڭ 11 ايىندا ەلىمىزدە 40،6 ملرد تەڭگەنىڭ كيىم وندىرىلسە، كورسەتكىش ءبىر جىل بۇرىنعىعا قاراعاندا 10،2%-عا ارتىق. ناقتى ماندە ءوندىرىستىڭ ءوسۋى وتكەن جىلمەن سالىستىرعاندا نەبارى 3،7%-دى قۇراپ وتىر. ءوڭىر بويىنشا ءوندىرىس كولەمى، مىسالى الماتى وبلىسىنا (8،6 ملرد تگ، جىلىنا -1،8%)، شىمكەنتكە (6،3 ملرد تگ، + 54،9%) جانە الماتىعا (5،6 ملرد تگ، + 5،1%) كەلدى. جەتەكشى وڭىرلەردە "Glasman" جشس، "ارلان 777" جشس، "تف اجار" جشس، "مەدياتەكس-ن" جشس، "Texti Market" جشس، "دەمەۋ-ارنا" جشس، "تەحنواۆيا-قازاقستان" جشس، "كازلەگپروم-الماتى" جشس، "ارايلى" جشس، "گاۋحار" تىگىن فابريكاسى، "نۇردان" كومپانياسى، "الەم-بت" جشس جانە باسقا دا كوپتەگەن كومپانيالار جۇمىس ىستەيدى.

وتكەن جىلعى قاراشانىڭ قورىتىندىسى بويىنشا كيىم مەن اياق كيىمنىڭ باعاسى 5،2%-عا وسكەن. باعانىڭ ءوسۋىن قىزىلوردا، باتىس قازاقستان جانە سولتۇستىك قازاقستان وبلىستارىنان اڭعارۋعا بولادى. سىرتقى كيىم ءبىر جىلدا 4،7%-عا، ونىڭ ىشىندە ەرلەر - 4،6%- عا، ايەلدەر كيىمى - 5% - عا، بالالار كيىمى 4،2%-عا وسكەن

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز