الەم • 18 قاڭتار، 2021

سلوۆاكيادا تۇرعىندارعا سەرۋەندەۋگە تىيىم سالىندى

12 رەت كورسەتىلدى

سلوۆاكيادا تۇرعىندارعا كوروناۆيرۋس انىقتاماسىنىڭ تەرىس ناتيجەسى بولماسا، جۇمىسقا بارۋعا نەمەسە ساياباقتا سەرۋەندەۋگە تىيىم سالىندى، دەپ حابارلايدى Egemen.kz

بۇل تۋرالى سلوۆاكيا پرەمەر-ءمينيسترى يگور ماتوۆيچ ۇكىمەتتىڭ كەزەكتەن تىس وتىرىسىنان كەيىنگى ءباسپاسوز كونفەرەنتسياسىندا حابارلادى.

ونىڭ ايتۋىنشا، ەپيدەمياعا قارسى شارالاردىڭ كۇشەيتىلۋى COVID-19 ءولىمىنىڭ سانىمەن جانە اۋرۋحانالاردا ناۋقاستاردى ازايتۋمەن تىكەلەي بايلانىستى بولىپ وتىر. قاتاڭ شارالار بالالاردىڭ مەكتەپكە ورالۋىن تەزدەتۋگە كومەكتەسەدى.

ەلدە 7 اقپانعا دەيىن ۇيدەن شىعۋعا تىيىم سالىنادى. تەك سەرۋەندەۋگە عانا ەمەس، سونىمەن قاتار جۇمىسقا بارۋعا دا شەكتەۋ قويىلدى. شەكتەۋلەر 15 جاستان 65 جاسقا دەيىنگى بارلىق تۇرعىندارعا قاتىستى. سوندىقتان تۇرعىندارعا قوعامدىق ورىنداردا ەمىن-ەركىن ءجۇرىپ-تۇرۋ ءۇشىن پتر انىقتاماسىنىڭ تەرىس ناتيجەسى كەرەك بولادى.

ايتا كەتەيىك، 18 قاڭتارداعى جاعداي بويىنشا سلوۆاكيادا كوروناۆيرۋستىڭ 223 325 جاعدايى تىركەلدى. ال ءولىم سانى 3 474-كە جەتىپ، 168 915 ناۋقاس دەرتتەن ايىققان.

 

ايتولقىن مىرزاكەريم

سوڭعى جاڭالىقتار

ۇقساس جاڭالىقتار