ايماقتار • 16 قاڭتار، 2021

اتىراۋدا باق وكىلدەرىنە 500 مىڭ تەڭگەنىڭ سىيلىعى بەرىلدى

315 رەت كورسەتىلدى

اتىراۋدا قازاق جۋرناليستيكاسىنىڭ نەگىزىن سالۋشى، پروفەسسور تاۋمان اماندوسوۆ اتىنداعى وبلىس اكىمى سىيلىعىنىڭ يەگەرلەرى ماراپاتتالدى. ون اتالىمنىڭ جەڭىمپازدارىنا 500 مىڭ تەڭگەدەن قارجىلاي سىياقى بەرىلدى.  

سىيلىقتى جەڭىمپازدارعا وبلىس اكىمى ماحامبەت دوسمۇحامبەتوۆ تاپسىردى.   

«قاي كەزدە دە اقپارات سالاسىنىڭ ماماندارى – قوعامنىڭ ايناسى. پاندەميا ۋشىعىپ تۇرعان كەزدە دارىگەرلەرمەن بىرگە، جۋرناليستەر دە الدىڭعى شەپتە ءجۇردى. قاۋىپتى ايماقتان  تىكەلەي رەپورتاجدار جۇرگىزىپ، شىنايى اقپاراتتى تاراتتى. بۇل – باق وكىلدەرىنىڭ كاسىبىنە ادالدىعىنىڭ كورىنىسى» دەدى ماحامبەت دوسمۇحامبەتوۆ.

قازىلار القاسىنىڭ شەشىمىمەن «ۇزدىك جۋرناليست–2020» نوميناتسياسىن بەلگىلى جۋرناليست، «سارايشىق» جۋرنالىنىڭ باس رەداكتورى يساتاي بالماعامبەتوۆ يەلەندى. «اتامەكەن» ۇكپ اتىراۋ وبلىسى بويىنشا فيليالىنىڭ ءباسپاسوز حاتشىسى اسەل تۇياقپاەۆا – «ۇزدىك ءباسپاسوز قىزمەتى–2020»، ۆولونتەر ءارى بلوگەر قۋات جانەسەەۆ – «ۇزدىك بلوگەر–2020»، وڭىرلىك كوممۋنيكاتسيالار قىزمەتىنىڭ  ديزاينەرى ەلامان نۋحين «ۇزدىك ۆيزۋالدى جۇمىس–2020» نوميناتسياسىمەن ماراپاتتالدى.

ال، «ۇزدىك كرەاتيۆتى شىعارماشىلىق–2020» نوميناتسياسىنا جۋرناليست نۇربەرگەن ماقىم، «كتك» ارناسىنىڭ اتىراۋ وبلىسىنداعى مەنشىكتى ءتىلشىسى بەكەن ءاليراحىم  «ۇزدىك مەنشىكتى ءتىلشى–2020»، «اتىراۋ–اقپارات» جشس باسپاحاناسىنىڭ تۇپتەۋ تسەحىنىڭ تۇپتەۋشىسى التىناي تانتۋاروۆا  «ۇزدىك تەحنيكالىق مامان–2020» اتالىمىنا يە بولدى.

سونداي-اق «ۇزدىك كادر–2020» نوميناتسياسى «اتىراۋ» تەلەارناسىنىڭ وپەراتورى قانات ەلەۋوۆكە، «ۇزدىك ينتەرنەت پابليك–2020» اتالىمى «Faceebok»-تەگى پاراقشاسى ءۇشىن بلوگەر ارمان حايرۋلينگە، «ۇزدىك رەداكتسيا–2020» سىيلىعى قۇرمانعازى اۋداندىق «سەرپەر» گازەتىنە تاپسىرىلدى.

ءبىر توپ جۋرناليسكە 1 ميلليون تەڭگەلىك «تۇرعىن ءۇي» سەرتيفيكاتى تابىستالدى.

 

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار