ايماقتار • 15 قاڭتار، 2021

الماتى وبلىسىندا 34 مىڭ ورىندى مەكتەپ سالىنادى

6 رەت كورسەتىلدى

الماتى وبلىسىندا 34 مىڭ ورىندى 86 مەكتەپ قۇرىلىسىن جۇرگىزۋ بەسجىلدىق جوسپارعا ەنگىزىلدى، دەپ حابارلايدى Egemen.kz

الماتى وبلىسى ءبىلىم بەرۋ سالاسىندا ءۇش اۋىسىمدى جانە بەيىمدەلگەن مەكتەپتەردىڭ مەسەلەسىن شەشۋدىڭ ناقتى جوسپارى بەلگىلەندى. الداعى بەس جىلدا 34 مىڭ ورىندى 86 مەكتەپ قۇرىلىسى جۇرگىزىلمەك. بۇل تۋرالى بۇگىن وبلىستىق ءماسليحاتتىڭ جاڭا قۇرامىمەن وتكەن 1-ءشى سەسسيا بارىسىندا بەلگىلى بولدى. وسى جانە وزگە دە بەلگىلەنگەن الەۋمەتتىك جوبالار جايىندا  وبلىس اكىمىنىڭ ورىنباسارى جەڭىس تۇياقوۆ ايتىپ بەردى.

اتالعان باعدارلامانىڭ باسىمدىق رەتىندە بەلگىلەنگەن 3 باعىتىنىڭ ءبىرى - ءومىر ءسۇرۋدىڭ جاڭا ساپاسىن قامتاماسىز ەتۋ. ول ءۇشىن ءبىرىنشى كەزەكتە، بەس جىل ىشىندە 260 مىڭ جۇمىس ورنىن قۇرۋ ارقىلى حالىقتى جۇمىسپەن قامتۋ شارالارى كوزدەلدى. بۇعان «ەڭبەك» باعدارلاماسى دا ىقپال ەتىپ، جىل سايىن 30 مىڭنان استام ادام قامتىلادى. «جاس كاسىپكەر»، «باستاۋ بيزنەس» جوبالارى بويىنشا 5 جارىم مىڭ جاس وقىتىلىپ، جۇمىسقا ورنالاستىرىلادى. وسىلايشا، 2025 جىلعا قاراي جۇمىسسىزدىق دەڭگەيى 4،5 پروتسەنتكە دەيىن، جاستار جۇمىسسىزدىعى 2،5%-عا دەيىن تومەندەيدى دەپ مەجەلەنىپ وتىر.

سول سياقتى ءبىلىم بەرۋ سالاسىندا ءۇش اۋىسىمدى جانە بەيىمدەلگەن مەكتەپتەردىڭ مەسەلەسىن شەشۋ جالعاستىرىلادى، 34 مىڭ ورىندى 86 مەكتەپ قۇرىلىسى سالىنادى. بۇل جەردە وتكەن بەس جىلدا 82 مەكتەپ تۇرعىزىلسا، ونىڭ 59-ى ءۇش اۋىسىمنىڭ ورنىنا سالىنعانىن اتاپ ءوتۋ كەرەك.

دەنساۋلىق ساقتاۋ سالاسىندا 2025 جىلعا دەيىن تاعى 62 نىسان سالۋ كوزدەلىپ وتىر. ونىڭ ىشىندە الاكول، بالقاش، ىلە، تالعار اۋداندارىندا 4 اۋرۋحانا، جامبىل، كەربۇلاق، رايىمبەك اۋداندارىندا جانە تالدىقورعان قالاسىندا 5 ەمحانا، 54 دارىگەرلىك امبۋلاتوريا مەن مەدپۋنكتتەر سالىنادى. قازىر مەديتسينا مەكەمەلەرى عيماراتتارىنىڭ توزۋى 56% دەڭگەيىندە بولسا، بۇل جۇمىستار وسى كورسەتكىشتى 32%-كە دەيىن تومەندەتۋگە مۇمكىندىك بەرەدى. ال دارىگەر تاپشىلىعىن جويۋ ءۇشىن مەديتسينالىق جوعارى وقۋ ورىندارىنىڭ 122 تۇلەگى تاپشى ماماندىقتار بويىنشا رەزيدەنتۋرادا وقيتىن بولادى. بۇل رەتتە جىل سايىن اكىمنىڭ گرانتى 260 مەكتەپ تۇلەگىنە بەرىلەتىنىن اتاپ وتۋگە بولادى.

بۇقارالىق سپورتتى دامىتۋ ءۇشىن اۋدان ورتالىقتارى مەن ءىرى ەلدى مەكەندەردە 11 دەنە شىنىقتىرۋ-ساۋىقتىرۋ كەشەنى جۇمىس ىستەپ تۇر. وتكەن جىلى قاراساي، ەسكەلدى جانە كوكسۋ اۋداندارىندا 3 دەنە شىنىقتىرۋ-ساۋىقتىرۋ كەشەنى، ونىڭ ەكەۋى «اۋىل-ەل بەسىگى» جوباسى اياسىندا ىسكە قوسىلدى. ال الداعى 5 جىلدا 58 سپورت نىسانى تۇرعىزىلىپ، حالىقتىڭ سپورتتىق ينفراقۇرىلىممەن ورتاشا قامتاماسىز ەتىلۋى 1000 ادامعا شاققاندا 60%-كە دەيىن ۇلعايادى. باعدارلامانىڭ ادامي كاپيتالدىڭ ساپاسىن جاقسارتۋعا باعىتتالعان ءۇشىنشى باعىتى وسىنداي اۋقىمدى شارالاردى قامتىماق.

 

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار